Ўзбекистон халқ артисти Нуриддин Ҳамроқулов вафот этди. Бу ҳақда Маданият вазирлиги хабар берди. Нуриддин Ҳамроқулов 1946-йилнинг 18-июн куни Андижон вилоятида туғилган. 1973-йилда Тошкент театр ва расомлик санъати институти (ҳозирги Санъат ва маданият институти)ни тамомлаган. 1967-йилдан Андижон театрида, кейичалик вилоят филармонияси каби ижодий жамоаларда фаолият юритган. 1987-йилда Ўзбекистон халқ артисти унвони билан тақдирланган. Хонанданинг репертуаридан “Самарқанд ушшоғи”, “Тошкент ироғи” каби кўплаб мумтоз қўшиқлардан тортиб, “Оламни асранг”, “Раъно”, “Сой кўрдим”, “Ширинлигинг”, “Кулди баҳорим”, “Турналар”, “Ажаб сирлар” каби бетакрор қўшиқлари мухлислар қалбидан чуқур жой эгаллаган. 2020-йилда “Дўстлик” ордени билан мукофотланган. hudud24.uz таҳририяти марҳумнинг оила аъзолари ва мухлисларига таъзия билдиради.