Ўзбекистонда фуқаролар яна кунига 10 минг қадам ташлаш орқали рағбатлантирилиши мумкин
Ҳуқуқ
11.01.2025
214
Ўзбекистонда кунига камида 10 минг қадам юрадиган фуқароларни рағбатлантириш дастури янгиланади. “Ўзбекистон – 2030” стратегиясини “Атроф-муҳитни муҳофаза қилиш ва яшил иқтисодиёт йили”да амалга оширишга оид Давлат дастури тўғрисида”ги Президент фармони лойиҳасига кўра, 2025 йил 1 июнгача махсус платформани ишга тушириш режалаштирилган.
Атроф-муҳитни муҳофаза қилиш вазирлиги ва Рақамли технологиялар вазирликлари томонидан ишлаб чиқилган дастур фаолликни ошириш ва юқори натижаларга эришганларга “экологик фаол фуқаро” мақомини беришни назарда тутади. Ушбу мақом эгалари давлат хизматларига ҳамда давлат улуши 50 фоиздан ортиқ бўлган банкларга истеъмол кредитларини олиш учун мурожаат қилганда 10 фоизлик чегирмага эга бўладилар.
Барча катталар “экологик фаол фуқаролар”га айланган оилалар “яшил оила” мақомига эга бўлишлари ва ҳар йили 14 та электромобил ўйналадиган лотереяда иштирок этишлари мумкин бўлади. Аҳолининг ярми ушбу мақомга эга бўлган маҳаллаларда “Энг мусаффо маҳалла”, “Энг ям-яшил маҳалла” танловлари ташкил этилади. Ғолибларга инфратузилмани, жумладан, болалар майдончалари, яшил майдонлар ва чиқинди контейнерларини ривожлантириш учун 500 миллион сўм миқдорида грантлар ажратилади.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
