Ўзбекистон
05.04.2024
191
Соғлиқни сақлаш вазирлиги “Республика туғруқ мажмуалари фаолиятига замонавий бошқарув усулларини жорий қилиш ҳамда “Оналик ва болаликни муҳофаза қилиш бўйича қўшимча чора-тадбирлар дастури”ни тасдиқлаш тўғрисида”ги Президент қарори лойиҳасини муҳокамага қўйди.
Ҳужжат билан Соғлиқни сақлаш вазирлиги ҳамда Иқтисодиёт ва молия вазирликларининг туғуруқ мажмуалари фаолиятига замонавий бошқарув усулларини жорий қилиш, уларни ишончли бошқарувга бериш, соҳада тиббий хизматлар сифатини тубдан яхшилаш, тиббиёт ходимларининг оналик ва болаликни муҳофаза қилиш бўйича билимини ошириш, ҳомиладор, бўлажак оналарга кўрсатиладиган хизматни замонавий молиявий усулларни татбиқ этиш тўғрисидаги таклифлари маъқулланади.
Хусусан, Республика Она ва бола саломатлиги илмий-амалий тиббиёт маркази ва унинг ҳудудий филиаллари, туманлараро перинатал марказлари, туғуруқ муассасалари, кўп тармоқли марказий поликлиникалар, оилавий поликлиникалар, оилавий шифокорлар пунктларидан иборат ягона вертикал тизимни интеграцияси амалга оширилади.
2024 йил 1 июлдан бошлаб, репродуктив ёшдаги ва ҳомиладор аёлларга кўрсатилаётган тиббий ёрдамни яхлитлигини ва узлуксизлигини таъминлаш учун республикадаги барча туман (шаҳар) кўп тармоқли марказий поликлиникалари ва оилавий поликлиникаларининг акушер гинеколог лавозимлари тегишли туман(шаҳар) тиббиёт бирлашмалари таркибидаги туғуруқ мажмуалари бошқарувига ўтказилади.
Бунда, акушер гинеколог лавозимлари туғуруқ мажмуалари таркибий тузилма раҳбарларига бўйсунади.
Шунингдек, Соғлиқни сақлаш вазирлиги, Иқтисодиёт ва молия вазирлиги Давлат тиббий суғурта жамғармаси билан биргаликда 2025 йил 1 январдан туғуруқни амалга ошириш хизматларига нодавлат тиббиёт ташкилотларини жалб қилиш чораларини кўради.
Бунда, туғуруқни амалга ошириш хизматлари рўйхати ва мазкур хизматлар қийматини аниқлаш методологияси ҳамда ҳомиладор томонидан туғуруқни амалга ошириш учун ўз хоҳишига кўра давлат ёки нодавлат тиббиёт ташкилотини эркин танлаш имкониятини белгилаш механизми ишлаб чиқилади.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Фамилиямни ўзгартирмоқчиман. Исм, ота исмини ўзгартириш тартиби қандай?
Айрим ҳолларда йигит-қизларнинг исмим ўзимга ёқмаяпти, деган гаплари эшитилиб туради. Хўш, исмни ўзгартириш тартиби қандай? Фуқаролик кодексининг 19-моддасида: фуқаро қонунда белгиланган тартибда ўз исмини ўзгартиришга ҳақли. Фуқаронинг ўз исмини ўзгартириши аввалги исми билан олган ҳуқуқ ва бурчларини бекор қилиш ёки ўзгартириш учун асос бўлмайди.
Ўзбекистондаги тиббиёт ОТМда қанча ҳиндистонлик ўқиётгани маълум бўлди
Ўзбекистон Ҳиндистон соғлиқни сақлаш соҳасининг етакчи муассасалари билан ҳамкорликни фаоллаштирмоқда.
Ўзбекистонда рақамли технологиялар жорий этилган тиббиёт муассасалари улуши 70 фоизга етказилади
Ҳудудлар даражасидаги шифохоналар электрон йўлланма тизимига уланади.