Ўзбекистонда уй-жой қурилиши жараёнида автотураргоҳлар ташкил этиш мажбурий бўлиши мумкин
Ҳуқуқ
10.01.2025
820
2025 йилга мўлжалланган давлат дастури лойиҳасида мамлакатимизда турар жой бинолари қурилишига янги талабларни ишлаб чиқиш режалаштирилмоқда. Бу жамоатчилик муҳокамаси учун эълон қилинган.
Сентябрь ойига қадар кўп хонадонли турар жой биноларини лойиҳалаш, қуриш ва фойдаланишга топшириш жараёнида автомобиллар учун ерости тўхташ жойларини ташкил этишни назарда тутувчи ҳужжат лойиҳасини ишлаб чиқиш таклиф этилмоқда. Давлат дастури тўғрисидаги Президент қарори лойиҳасида ерусти автотураргоҳлар ҳам қайд этилган.
Бошқа таклифлар орасида чиқинди, ёмғир ва техник сувдан фойдаланган ҳолда суғориш тизимларини ўрнатиш, санитария-техник воситалар истеъмол қиладиган сув ҳажмини 3-6 литргача чеклаш, сув сарфини камайтириш учун аэратор аралаштиргичлардан фойдаланиш кабилар ҳам бор.
Бундан ташқари, бинолар деворларини базальт асосидаги материаллар билан изоляциялаш ва уйларни ис гази сигнализатори билан жиҳозлаш режалаштирилмоқда.
2023 йилга мўлжалланган давлат дастури тўғрисидаги қарорда турар жой бинолари, ижтимоий ва савдо объектларини лойиҳалаш ва қуришда автотураргоҳлар, жумладан, кўп қаватли ва ерости тўхташ жойларини ташкил этиш мажбурий бўлиши кўзда тутилганди.
Бироқ Шаҳарсозлик кодексига ўзгартиришлар киритилмади.
Улашиш:
Бошқалар
Ҳайдовчилик гувоҳномасини йўқотган тақдирда қандай ҳаракат қилиш керак?
Бунда почта харажатлари ариза берувчи ҳисобидан қопланади.
Ёлғон гувоҳлик бериш қандай оқибатларга олиб келади?
Суриштирув, дастлабки тергов ёки суд муҳокамаси вақтида гувоҳ ёки жабрланувчининг атайлаб ёлғон кўрсатув бериши, экспертнинг била туриб ёлғон хулоса тайёрлаши, шунингдек таржимоннинг маълумотни атайлаб нотўғри таржима қилиши ёлғон гувоҳлик бериш деб баҳоланади.
Иш ташлашни амалга ошириш тартиби белгиланди. У ҳақида нималар маълум?
Иш ташлаш — ходимлар томонидан ўз меҳнат, ижтимоий-иқтисодий ҳуқуқ ва манфаатларини ҳимоя қилиш мақсадида меҳнат вазифаларини вақтинча тўхтатиб туриш шакли ҳисобланади.
Маъмурий жазони қўллаш, энг енгил жазони қўллаш асослари: муҳим 6 саволга жавоб
Маъмурий жазони қўллашда содир этилган ҳуқуқбузарлик хусусияти, ҳуқуқбузарнинг шахси, унинг айбдорлик даражаси, мулкий аҳволи, жавобгарликни енгиллаштирувчи ва оғирлаштирувчи ҳолатлар ҳисобга олинади.
