Ўзбекистонлик ўқувчи халқаро физика олимпиадасида бронза медалини қўлга киритди
Ўзбекистон
17.07.2023
534
Жорий йилнинг 10–17 июль кунлари Япониянинг Токио шаҳрида бўлиб ўтган 53-Халқаро физика олимпиадасида Ўзбекистон терма жамоаси аъзоси, Мирзо Улуғбек номидаги ихтисослаштирилган мактабнинг 11-синф ўқувчиси Жавоҳир Султонов бронза медалини қўлга киритди. Дунёнинг 91 та мамлакатидан жами 400 нафардан ортиқ ўқувчи иштирок этган олимпиадада эришилган ушбу медаль Халқаро физика олимпиадасида(IPHO) қўлга киритилган Ўзбекистон тарихидаги 3-бронза медали ҳисобланади. Қайд этиш мумкин, Терма жамоамиз аъзолари мазкур нуфузли мусобақада 2015 йилдан буён иштирок этиб келишмоқда ва ҳозирга қадар жами 3 та бронза медални (2018, 2021, 2023) қўлга киритишган. Маълумот ўрнида, Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги Қарорига мувофиқ 3-ўрин соҳиби учун (бронза медаль) базавий ҳисоблаш миқдорининг 200 баравари (66 млн сўм), устозига 150 баравар (49,5 млн сўм) пул мукофотлари берилади. Мавзуга доир: Ўзбекистонлик ўқувчилар иккита халқаро фан олимпиадасида жами 6 та бронза медалини қўлга киритишди
Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Мавзуга доир янгиликлар:
Ўзбекистонлик ўқувчилар илк бор Халқаро информатика олимпиадасида ғолиб бўлди
Президентнинг тегишли қарорига мувофиқ, ўқувчилар ва уларнинг мураббийлари белгиланган миқдорда мукофот пуллари билан тақдирланади.
Ўтган 6 ойда ўзбекистонлик ўқувчилар Халқаро фан олимпиадаларида жами 63 та медал жамғаришди
Бу ҳақда Мактабгача ва мактаб таълими вазирлиги фаолиятининг жорий йил биринчи ярим йиллик якунларига бағишланган матбуот анжуманида маълум қилинди.