currencies image

12 655,02 UZS

22,14

usd

currencies image

13 725,63 UZS

58,12

eur

currencies image

144,28 UZS

0,24

ru



АсосийЯнгиликларЎзгалар парваришига муҳтож ёлғиз кексалар учун моддий ёрдам пули: муҳим 5 қоида

Ўзгалар парваришига муҳтож ёлғиз кексалар учун моддий ёрдам пули: муҳим 5 қоида

Ҳуқуқ

calendar

05.07.2024

eye

306

Ўзгалар парваришига муҳтож ёлғиз кексалар учун моддий ёрдам пули: муҳим 5 қоида

Ўзгалар парваришига муҳтож ёлғиз кексалар ва ёлғиз ногиронлиги бўлган шахсларга уй-жой коммунал хизматлар, озиқ-овқат маҳсулотлари ва шахсий гигиена товарлари моддий ёрдам пули берилади.

1. Моддий ёрдамнинг миқдори қанча?

Ўзгалар парваришига муҳтож ёлғиз кексалар ва ўзгалар парваришига муҳтож ёлғиз ногиронлиги бўлган шахсларга уй-жой коммунал хизматлар ҳақини тўлаш ҳамда озиқ-овқат маҳсулотлари ва шахсий гигиена товарлари учун 648 минг сўм миқдорида моддий ёрдам пули берилади.

Моддий ёрдам Ўзбекистон фуқаролари, Ўзбекистонда доимий яшайдиган хорижий давлат фуқаролари ва фуқаролиги бўлмаган шахсларга тайинланади.

2. Моддий ёрдамни олиш учун кимга мурожаат қилиш лозим?

Моддий ёрдамни олиш учун аввало фуқаро Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг реестрига киритилган бўлиши лозим.

Шундан сўнг мазкур моддий ёрдам автоматик тарзда тайинланади.

Реестрга киритиш эса қуйидаги усуллар бири орқали амалга оширилади:

маҳалладаги ижтимоий ходим, патронаж ҳамшира ва маҳалла раиси томонидан уйма-уй юриш натижасида шакллантирилган сўровномага асосан;

кексалар, ногиронлиги бўлган шахслар ёки уларнинг қонуний вакилларининг ёки бошқа жисмоний ва юридик шахсларнинг ёзма, оғзаки ёки электрон шаклда «Ижтимоий ҳимоя» АТга юборилган мурожаатларига асосан.

3. Фуқаро кўчиб кетганда моддий ёрдамни қандай олади?

Моддий ёрдам олувчилар бошқа туман (шаҳар)га кўчганида моддий ёрдамни тўлаш янги яшаш жойи бўйича давом эттирилади. Бундай ҳолда моддий ёрдамни тўлаш илгариги яшаш жойи бўйича моддий ёрдамни тўлаш тўхтатилган вақтдан бошлаб давом эттирилади.

4. Моддий ёрдам «Мурувват» уйларига жойлаштирилганларга бериладими?

Моддий ёрдамни тўлаш қуйидаги ҳолатларда вақтинчалик тўхтатилади:

кетма-кет 3 ойдан кўп вақт мобайнида моддий ёрдамни етказиб берувчи Халқ банкидан моддий ёрдам олинмаганда;

фуқаро озодликдан маҳрум этилганда;

фуқаро «Мурувват» интернат-уйлари ёки Ижтимоий қўллаб-қувватлаш марказларига жойлаштирилганда;

моддий ёрдамни тўхтатиш тўғрисида фуқаро ариза берганда.

Моддий ёрдамни тўлаш фуқаро ёки унинг васийси томонидан ариза берилганида тикланади.

5. Моддий ёрдам қайси ҳолатларда бекор қилинади?

Моддий ёрдамни тўлаш қуйидаги ҳолларда тўхтатилади:

фуқаро вафот этганда;

тайинланган моддий ёрдамга ҳуқуқлар йўқолганда;

доимий яшаш учун Ўзбекистон ташқарисига чиқиб кетилганда.

Улашиш:

Бошқалар

20-июн 2024, 13:37
1 569

1-синфга қабул бошланди: муҳим 10 саволга жавоб

Мактабларда 1-синфга қабул бошланди. Онлайн ҳужжат топшириш мумкин бўлган ҳудудлар эълон қилинди, бошқа ҳудудларда ҳужжатлар қандай топширилади? Бола ўзи яхши билмайдиган тилда таълим олиши мумкинми? Hudud24.uz ушбу мақола орқали шу ва шу каби саволларга жавоб беради.


28-июн 2024, 14:31
1 188

Коммунал хизмат кўрсатувчи ташкилотлар нималарга мажбур ва уларни бажармаса нима бўлади? Муҳим 5 жиҳат

«Квартплата» миқдори қандай белгиланади? Бу тўлов эвазига коммунал хизмат кўрсатувчи ташкилот айнан қандай ишларни бажариши шарт? Агар бажармаса, нима бўлади? Hudud24.uz ушбу мақолада шу сингари саволларга жавоб беради.


27-июн 2024, 12:49
684

Журналист ўз фаолиятини амалга оширишда дахлсиздир: ОАВга оид муҳим 10 қоида

27 июнь – Матбуот ва оммавий ахборот воситалари ходимлари куни. Ушбу сана 1993 йил 3 сентябрдаги Қонун белгиланган. Қонунчиликка кўра, журналистга босим ўтказиш тақиқланади, улар эълон қилган материал жиноят иши қўзғатиш учун сабаб бўлиши мумкин. Hudu24.uz ОАВ соҳасига оид эркинликлар ва кафолатлардан айримларини эслатади.


3-июл 2024, 13:42
596

Олимпиада медали учун мукофот пули берилиши тўғрими? Ижтимоий тармоқдаги баҳсларга шахсий муносабат

Кимдир ушбу мукофот умуман берилишини истамайди, ким шунчаки маблағ миқдоридан норози, яна бир томон буни тўғри деб баҳоламоқда. Жамоатчилик фаоли ва Hudud24.uz колумнисти Шаҳноза Соатованинг мақоласида ушбу масалага муносабат билдирилади.