Иқтисодий тадқиқотлар ва ислоҳотлар маркази 2023 йилда Ўзбекистон автомобиль бозоридаги вазиятни таҳлил қилди.

Келтирилишича, ўтган йил давомида 1,69 млн дона автотранспорт воситалари сотилган, бу 2022 йилга нисбатан 18%га кўп. 2023 йилдаги энг юқори кўрсаткичлар май ва октябрь ойларида, сотувлар 156 ва 186 мингта машинадан ошганида қайд этилган.

Бирламчи ва иккиламчи автомобиль бозорларидаги вазият

2023 йилда Ўзбекистонда 379 мингта янги енгил автомобиллар сотилган, бу ўтган йилга нисбатан 33 фоизга ўсган.

Мамлакатда ишлаб чиқарилган автомобилларнинг савдо кўрсаткичларига келсак, 2023 йилда Ўзбекистонда 333 мингдан ортиқ маҳаллий енгил автомобиллар сотилган, бу ўтган йилга нисбатан 25 фоизга кўп.

Хорижда ишлаб чиқарилган енгил автомобиллар бозори

Хорижда ишлаб чиқарилган янги енгил автомобиллар савдоси йил давомида 2,4 баробар ошди ва 46 мингта автомобилни ташкил этди.

2023 йилнинг 11 ойида енгил автомобиллар импорти сезиларли даражада - 2,2 баробар ошди ва 1,56 миллиард долларни (19,4 трлн. сўм) ташкил этди.

Автомобиль бозорининг ушбу сегментида машина импортининг ўсишига асосан божхона тўловларининг камайиши таъсир кўрсатди. Бундан ташқари, янги хорижий автомобиллар импортининг ўсиши кичик автомобилларга божхона тўловларининг пасайишига олиб келди.

Ишлаб чиқариш ва автокредитлари

Икки йил ичида маҳаллий енгил автомобиллар ишлаб чиқариш 2021 йилдаги 236 минг донадан 2023 йилда 395 минг донагача 1,6 баробар ошди.

Бундан ташқари, ўзбекистонликлар автомобиль сотиб олиш учун кўпроқ кредит олишни бошладилар. Хусусан, 2022 йилда автокредитлар бериш 2,3 баробарга ошиб, 19,6 трнл. сўмни ташкил этди.

2023 йилнинг 11 ойида аҳолига 34,6 трлн. сўмлик автокредитлар берилди, бу 2021 йилга нисбатан 4,4 баробарга кўп.

Иккиламчи автомобиль бозори

Бир йил ичида Ўзбекистонда ҳайдалган енгил автомобиллар савдоси 12,6%га ўсиб, 1,16 миллион донага етди.

Электромобил бозоридаги вазият

Ўзбекистонда электр двигателли автомобилларга қизиқиш тобора ортиб бормоқда. 2023 йилда енгил электромобиллар савдоси 4,3 борабарга ошиб, 25,7 мингта электрокарни ташкил этган.

Энг кўп электромобиллар - қарийб 71% пойтахтда, Сурхондарё вилояти эса - 123 та, энг кам электрокарлар сотилган.