Содда талқин
31.08.2024
139
Жиззах вилояти Шароф Рашидов туманидаги “Гулчи опа томорқа хизмати” кластери раҳбари Нориева Шарофат Эргашевнага “Ўзбекистон Республикасида хизмат кўрсатган тадбиркор” фахрий унвони билан тақдирланди. Бунга оид Президент фармони қабул қилинди.
“Мамлакатимизда тадбиркорлик ҳаракатини янги босқичга кўтаришда ўзининг ватанпарварлик, ишбилармонлик ва ташаббускорлик фазилатларини яққол намоён этиб, кўплаб истиқболли лойиҳаларни муваффақиятли амалга ошириб келаётгани, хусусан, боғдорчилик, кўчатчилик ва гулчилик тармоқларини илғор тажриба ва инновацион усуллар асосида ривожлантириш, ҳудудда томорқачиликни кенг тарғиб қилиш, иш ўринларини яратиш, аҳоли даромадларини ошириш ва фаровонлигини юксалтириш, ижтимоий масалаларни ечишда алоҳида фаоллик кўрсатаётгани, ёшларни Ватанга муҳаббат ва садоқат руҳида, меҳнатсевар ва шижоатли инсонлар этиб тарбиялаш йўлидаги ибратли ишлари учун Жиззах вилояти Шароф Рашидов туманидаги “Гулчи опа томорқа хизмати» кластери раҳбари Нориева Шарофат Эргашевнага “Ўзбекистон Республикасида хизмат кўрсатган тадбиркор” фахрий унвони берилсин”, дейилади фармон матнида.
Маълумот учун, Шарофат Нориева Жиззах шаҳар 29-сонли Меҳрибонлик уйидан 9 нафар болаларни қарамоғига олиб, ўз уйида “Оилавий болалар уйи”ни ташкил этган. Шарофат Нориева Тошкент давлат Аграр университети сиртқи бўлими талабаси бўлиш билан бирга, “Гулчи опа” кластери раҳбари, Шароф Рашидов тумани Кенгаши депутати сифатида фаолият юритади.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўзини ўзи банд қилган шахслар қандай солиқ тўлайди?
Солиқ кодексининг 461-моддасининг биринчи қисми 2-бандига асосан солиқ даврида товарларни (хизматларни) реализация қилишдан олинган даромади юз миллион сўмдан ошган, лекин бир миллиард сўмгача бўлган якка тартибдаги тадбиркорлар айланмадан олинадиган солиқ тўловчилар ҳисобланиши белгиланган.
Тадбиркорларнинг барқарорлик рейтинги жорий этилади
Мазкур рейтинг қонунчилик талабларига риоя этган ҳолда фаолият юритаётган тадбиркорларни аниқлаш ва қўшимча рағбатлантиришни назарда тутади.
Энди тадбиркорлардан 8 турдаги ҳисоботлар талаб қилинмайди (рўйхат)
Тадбиркорлик субъектлари томонидан давлат органларига тақдим этиладиган ҳисобот ва статистик маълумотларнинг ягона рўйхати тасдиқланди.
Бизнеснинг муассиси бўлиш, чет элда ҳисобварақлар очиш ва мулк сотиб олиш — Давлат хизматчиларига нималар тақиқланади?
Давлат хизматчиси даромадлари ва мол-мулки тўғрисида ишга киришдан аввал декларация бериши керак.