Оила ва хотин-қизлар қўмитаси оилалар билан ишлаш ва хотин-қизларни қўллаб-қувватлаш борасидаги фаолият таҳлили бўйича рақамларни маълум қилди. Қайд этилишича, 30 ёшдан ошган 7 ярим миллиондан ортиқ хотин-қизлар хатловдан ўтказилиб, 1 млн. 680 нафари “Аёллар дафтари”нинг 4-босқичига киритилган. Уларнинг 831 133 нафарига тегишли тартибда қуйидаги ёрдамлар кўрсатилди: 1-тоифа бўйича — 424 231 нафар ижтимоий ҳимояга муҳтож ишсиз хотин-қизлардан 376 327 нафари янги иш ўринлари ва жамоат ишларига жойлаштирилди. 2-тоифа бўйича — 49 545 нафар тадбиркорлик қилиш истагида бўлган эҳтиёжманд хотин-қизларнинг 40 514 нафарига тадбиркорлик фаолиятларини йўлга қўйишлари учун имтиёзли кредитлар ажратилди. 3-тоифа бўйича — 226 727 нафар боқувчиси бўлмаган эҳтиёжманд хотин-қизлардан 171 550 нафарига бир марталик моддий ёрдам берилди. Шундан, 2 451 нафарининг уй-жойи таъмирлаб берилди. 4-тоифа бўйича — 204 523 нафар ижтимоий ёрдамга муҳтож 1- ва 2-гуруҳ ногиронлиги бўлган шунингдек, тезкор тиббий муолажага муҳтож эҳтиёжманд хотин-қизлардан 159 391 нафарига бир марталик моддий кўрсатилган. Шундан, 1 489 нафарининг уй-жойи таъмирлаб берилган; 5-тоифа бўйича — 9 005 нафар уй-жойга муҳтож эҳтиёжманд хотин-қизларнинг нинг 7 131 нафарига ёрдам кўрсатилган. Шундан, 680 нафари уй-жой билан таъминланди, 6 451 нафарига ижара компенсацияси тўлаб берилди. 6-тоифа бўйича — 86 649 нафар қарамоғида ногиронлиги бўлган фарзанди мавжуд эҳтиёжман аёллардан 76 220 нафарига моддий ёрдамлар берилди. Шундан, 3 970 нафарига томорқадан унумли фойдаланиши учун амалий ҳамда моддий ёрдамлар кўрсатилди. Келтирилишича, 2023-йилнинг ўтган даврида 2022-2023 ўқув йилининг 2-ярми учун 14 110 нафар магистратурада таҳсил олган хотин-қизларнинг тўлов-шартномасига 85,1 млрд.сўм маблағ Давлат бюджети маблағлари ҳисобидан тўлаб берилган. Шу билан бирга, 2023-йилнинг ўтган даврида 36 минг нафардан зиёд талаба хотин-қизлар учун 335,5 млрд.сўм миқдорда имтиёзли (фоизсиз) таълим кредитлари ажратилган.