Ўзбекистон
13.03.2024
421
Мазкур ҳужжат Санитария-эпидемиологик осойишталик ва жамоат саломатлиги қўмитаси томонидан янги таҳрирда ишлаб чиқилди.
Адлия вазирлиги ахборот хизматидан маълум қилишларича, ҳужжатда мулкчилик шаклидан қатъий назар, қурилаётган, қайта қурилаётган ва фаолият юритаётган барча озиқ-овқат савдоси билан шуғулланувчи савдо корхоналарининг жойлашуви, жиҳозланиши ва уларнинг санитария-гигиеник ҳолати, шунингдек, ходимларнинг шахсий гигиенасига оид талаблар белгиланган.
Ушбу ҳужжат билан тадбиркорлик субъектларининг фаолиятига тўсқинлик қилувчи айрим талаблар (Санитария-эпидемиологик осойишталик ва жамоат саломатлиги қўмитаси билан келишилган ҳолда тасдиқланган озиқ-овқат турлари рўйхатига ўзгартиришлар киритиш мумкин эмаслиги, савдо корхонаси қурилиши учун ер танлаш Санитария-эпидемиологик осойишталик ва жамоат саломатлиги қўмитаси билан келишилган бўлиши кабилар) бекор қилинди.
Янги таҳрирдаги ҳужжат билан қуйидаги санитария-гигиена талаблари белгиланди:
– Савдо корхоналарини сув билан таъминлаш учун марказлаштирилган маиший ва ичимлик сув таъминотига уланган бўлиши, бунда марказлаштирилган сув таъминоти мавжуд бўлмаган тақдирда, мустақил сув таъминоти тизими қурилган бўлиши даркор;
– Озиқ-овқат ва уларнинг таркибий қисмлари, шунингдек, ноозиқ-овқат маҳсулотлари, кимёвий моддаларни (тозалаш воситалари, мойлаш материаллари, ёқилғилар) сақлаш учун алоҳида шароит (қуруқ ва табиий ёки сунъий вентиляцияси мавжуд хона) яратилган хоналар бўлиши зарур;
– Қадоқлаш учун ишлатиладиган бир маротабалик идишлар инсон саломатлиги учун хавфсиз материаллардан (пластик, картонли, қоғоз) тайёрланган, тоза ва қуруқ бўлиши керак.
Шу билан бирга, хавф-хатарнинг олдини олиш мақсадида ишчи ходимларда очиқ яралар, тирналган, кесилган ёки бошқа тери жароҳати бўлганда, жароҳатни пластирь билан беркитиш лозим.
Шунингдек, ходимлар қуйидаги ҳолларда қўлларни суюқ совун билан ювиши ва дезинфекция қилиши талаб этилади:
Иш бошлашдан олдин, ишдаги ҳар бир танаффусдан кейин, бир жараёндан иккинчисига ўтишда, ифлосланган нарсаларга қўл орқали тегилгандан кейин, ҳожатдан олдин ва кейин икки марта, тоза махсус кийим (пойабзал билан биргаликда) кийишдан ва иш бошлашдан олдин.
Улашиш:
Бошқалар
Коммунал хизмат кўрсатувчи ташкилотлар нималарга мажбур ва уларни бажармаса нима бўлади? Муҳим 5 жиҳат
«Квартплата» миқдори қандай белгиланади? Бу тўлов эвазига коммунал хизмат кўрсатувчи ташкилот айнан қандай ишларни бажариши шарт? Агар бажармаса, нима бўлади? Hudud24.uz ушбу мақолада шу сингари саволларга жавоб беради.
«Пиёдага қарши машина». Тезликни оширганлик учун жавобгарлик автоҳалокатларни қай даражада олдини ололмоқда – таҳлил
Тезликни оширганлик учун қандай жавобгарлик белгиланган? Бошқа давлатларда қандай? Ушбу жавобгарлик автоҳалокатларнинг қай даражада олдини ололмоқда? Тизимни яхшилаш учун нималар қилиш керак? Hudud24.uz ушбу мақолада шу хусусида сўз юритади.
Шахсга тиббий муолажа қўллашнинг асосий шарти унинг розилиги: соғлиқни сақлашга оид 5 муҳим қоида
Тиббиёт ходимлари ва хизмат кўрсатувчи ходимлар беморга ҳурмат ва меҳр-мурувват кўрсатишлари керак. Фуқаролар соғлиқни сақлаш борасида яна қандай ҳуқуқларга эга.
Абитуриент қандай ҳуқуқ ва мажбуриятларга эга? Нималарга шахсан жавобгар?
Абитуриент тест синовлари ўтказиладиган куни бинога белгиланган вақтда келишга мажбур.