Сўнгги тўрт йил мобайнида Адлия вазирлиги Ўзбекистонда коррупцияга қарши муросасиз курашган энг юқори даражадаги давлат органи сифатида эътироф этилди. Ҳамда коррупцияга қарши курашиш борасида халқаро мувофиқлик сертификатини қўлган киритган биринчи давлат органи ҳисобланади. Вазирлик ўз тизимида коррупцияга қарши бошқарув тизимини жорий қилган, корупциявий ҳолатлар ҳақида хабар бериш учун ишонч телефонларини ишга туширган ва нотариуслар ишида видеокузатувни жорий қилган биринчи давлат идорасидир.
2018-2021 йилларга мўлжалланган коррупцияга қарши курашиш бўйича қўшма лойиҳамиз йиллар мобайнида сезиларли натижаларга эришди.
Энг муҳими, 13 та давлат идорасида коррупцияга қарши мувофиқликни бошқариш тизими жорий этилди.
Ҳамкорлигимизнинг яна бир стратегик соҳаси — давлат хизматларини кўрсатиш ва маҳаллий бошқарувни ўзгартириш, қишлоқ жойларда муҳтож аҳолининг ҳаёт сифатини яхшилаш, муҳим қарорлар қабул қилиш жараёнлари халқ иштирокини таъминлашдан иборатдир.
Лицензиялар ва рухсатномалар учун онлайн ариза бериш электронлаштирилди. Бунинг учун шу йил январь ойида ишга туширилган янги рақамли платформа (license.gov.uz)дан фойдаланиш мумкин. Ҳозирги вақтда 9900 га яқин ариза ушбу янги платформада кўриб чиқилган.
Адлия вазирлиги мамлакат даражасида олиб борилаётган ислоҳотлар йўналишида асосий илғор вазирликдир
Ўзбекистон
24.08.2021
326
Матильда Димовска, БМТ тараққиёт дастурининг Ўзбекистондаги доимий вакили: — Адлия вазирлигини мамлакат даражасида олиб борилаётган ислоҳотлар йўналишида асосий илғор вазирлик эканлигини эътироф этамиз. Бир неча йиллар аввал биз билган вазирликдан ҳозирги вазирлик тамомила ўзгача шаклга кирган. Ўзим 4 йил аввал Ўзбекистонда ўз фаолиятимни бошлаган давр айнан ислоҳотлар жадал равишда амалга оширилишига старт берилган давр эди. Ва бу давр анча мураккаб давр эди. Ислоҳотларнинг амалга оширилиши ўзига яраша қийинчиликларни талаб этарди. Қийинчиликлар ортидан муваффақиятларнинг ҳам гувоҳи бўлдик. Бугунги кунга келиб биз Адлия вазирлигини тамомила ўзгача вазирлик сифатида кўриб турибмиз. Ҳақиқатан ҳам ҳозир вазирлик инсон ҳуқуқлари ва давлат бошқаруви ислоҳотларини тезлаштиришда илғор катализатор ролини бажармоқда. Ва бу илғор давлат органларида, қолаверса, барча соҳаларда тартиб-қоидаларга риоя этилишини жорий этиш ва инсон манфаатларига йўналтирилган амалиётни муваффақиятли амалга оширишда вазифаларни бажаришда нафақат вазирлик доирасида балки вазирликдан ташқари давлат идораларига ҳам ўрнак бўлмоқда. Биз вазирликка ҳамкорлик доирамизда таклиф этган кўмак дастуримизда ер эгаларининг ҳуқуқларини ҳимоя қилиш ишлари бўйича тарғибот ишлари кенг олиб борилди. Ва уларнинг ҳуқуқларини муҳофаза қилиш масалалари давлат даражасида устувор йўналишларидан бири сифатида қаралмоқда. Мазкур соҳадаги ишларини рақамлаштириш орқали, инновацион усулларни қўллаш орқали амалга ошириб келаётганлигининг гувоҳи бўлмоқдамиз. Умуман олганда, бу эришилган ютуқлар ва шу пайтгача амалга ошириб келинаётган ишларнинг асосини муайян сабаблар ва мезонлар ташкил қилади. Бу мамлакатда амалга оширилаётган яхши ҳамкорлик, кенг кўламли ислоҳотлар ёки Ўзбекистоннинг демократик ислоҳотларни амалга оширишга бўлган очиқлиги, шаффофлиги ва тайёрлиги натижаси деб айтишимиз мумкин. Шу билан бир қаторда бу йўналишда вазирлик билан амалга оширилаётган бир қанча долзарб очиқ инсон манфаатларига йўналтирилган чора-тадбирларнинг амалга оширилиши шаклида кўриш мумкин. Ва мен ҳозир конференцияда иштирок этиб кўриб турибман, вазирликнинг ходимлари ёш авлод вакилларидан таркиб топганлиги, аёлларнинг ҳам бу ерда етакчи ўрин тутиши ҳам бу йўналишда ўз салмоқли ҳиссасини қўшишида қўл келяпти.
Улашиш:
Бошқалар
27-октябр 2024, 06:15
1 763
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
19-ноябр 2024, 12:35
1 717
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
13-ноябр 2024, 12:35
1 607
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
27-октябр 2024, 04:36
1 600
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
