Байден маъмурияти Европа Иттифоқи ва бир қанча аъзо давлатларидан Ўзбекистон ва Тожикистондан келган саёҳатчиларга нисбатан кескин чоралар кўришни сўради. Бу ҳақда Bloomberg’ ёзмоқда. Бу сўров эҳтимолий террорчиларнинг АҚШга кириб келишини олдини олиш бўйича ҳаракатларнинг бир қисми эканлиги айтилмоқда. Маълум бўлишича, яқинда бир гуруҳ ўзбекистонлик муҳожирлар «ИШИД»га алоқадор шахслар ёрдамида АҚШга жануби-ғарбий чегарадан кириб келган. Бу эса Америка ҳуқуқ-тартибот идораларининг хавотирини кучайтирган. АҚШ расмийлари Европа Иттифоқидан Ўзбекистон ва Тожикистон фуқаролари учун аэропорт транзит визаси талаб қилишни сўраган.