АҚШнинг Луизиана штатидаги кўприкни қалин туман қоплаши туфайли 158 та машина тўқнашиб кетди. Бу ҳақда “RuPosters” хабар берди. Маълум қилинишича, Янги Орлеан ғарбидаги ҳудудда “супер туман” ҳодисаси кузатилиши туфайли кўприкдан ўтаётган машиналарда кўриш масофаси деярли бутунлай йўқолган. Оқибатда 158 та машина иштирокида ЙТҲ содир бўлган ва 7 киши ҳалок бўлган, 25 киши шифохонага ётқизилган. “Қурбонлар сони ортиши кутилмоқда, чунки қулфланиб қолган машиналарда одамлар бўлиши мумкин. Ҳозирда хавфсизлик хизматлари вайроналарни тозалашда давом этмоқда”, дейилади хабарда.