— Автомашинам отамдан мерос тариқасида ўтган. Шу автомашинамни ижарага бермоқчиман. Эшитишимча, нотариус орқали ижара шартномаси тузишда турмуш ўртоғимнинг розилиги талаб қилинар экан. Шу хақда тушунча олмоқчи эдим. Ҳилола Янгиева — Автомашинанинг ижара шартномаси нотариал идоралар орқали расмийлаштирилиши тўғри. Лекин Сиз сўраган ҳолатда турмуш ўртоғингизнинг розилиги талаб этилмайди. Чунки автомашина Сизга мерос тариқасида ўтган бўлиб, бу мулк иккингизнинг биргаликда орттирган мулкингиз хисобланмайди. Саволга Қарши шаҳрида хусусий амалиёт билан шуғулланувчи нотариус Инъомжон Яқубов жавоб берди.