Тошкент шаҳрида бир қатор жиноятларни содир этишда гумонланган олти нафар киши қўлга олинди.

Қайд ртилишича, пойтахтда Тошкент шаҳар ИИББ ва ҳамкор ташкилотлар томонидан ўтказилаётган тезкор-профилактик тадбирларнинг “Долзарб қирқ кунлиги” доирасида бир қатор жиноятларни содир этган қуйидаги шахслар ушланиб, гумон қилинувчи тарзида жалб этилган:

• Қудратуллаев Ихтиёр Бахтиёр ўғли (1996 йил), у "Бахти Ташкентский" лақаби билан танилган Бахтиёр Қудратуллаевнинг ўғли ҳисобланади.  У (Ўзбекистон Республикаси Жиноят кодекси 165-моддаси 3-қисми);
• Зафаров Бегзод Бахтиёрович (1994 йил) — Ўзбекистон Республикаси Жиноят кодекси 165-моддаси 2-қисми;
• Жуманиязова Наргиза Рустамовна (1983 йил) —Ўзбекистон Республикаси Жиноят кодекси 165-моддаси 2-қисми;
• Бадалов Жахонгир Жураевич (1975 йил)—Ўзбекистон Республикаси Жиноят кодекси 165-моддаси 3-қисми, 168-моддаси 1-қисми;
• Сулаймонқулов Шерали Рўзиевич (1978 йил)—Ўзбекистон Республикаси Жиноят кодекси 165-моддаси 3-қисми);
• Турсунбоев Акмалжон Наримон ўғли (1995 йил)—Ўзбекистон Республикаси Жиноят кодекси 165-моддаси 2-қисми.

Тошкент шаҳар ИИББ Тергов бошқармаси томонидан тергов қилинаётган жиноят иши доирасида гумон қилинувчиларга нисбатан қамоққа олиш тарзидаги эҳтиёт чораси қўлланган. Тергов давом этмоқда.

"Ҳурматли фуқаролар агар Сиз ушбу шахслардан ёки гуруҳ аъзоларидан жабр кўрган бўлсангиз ёки ушбу шахсларнинг жиноий хатти-ҳаракатлари бўйича маълумотларга эга бўлсангиз, Тошкент шаҳар ИИББнинг 71-206-45-69, 71-206-49-46 ёки 102 рақамларига ёхуд 99-370-73-94 телеграм рақамига мурожаат қилишингизни сўраймиз. Мурожаатчининг шахси сир сақланиши кафолатланади", —дейилади хабарда.

Эслатиб ўтамиз, "Бахти Ташкентский" лақабли Бахтиёр Қудратуллаев ҳам декабр ойи бошида ушланган эди.