Мактабларда янги ўқув йили бошланишига оз фурсат қолди. Ҳар йилнинг 10 августидан ҳудудларда “Мактаб бозори”, ранг-баранг ассортименти бор ярмаркалар ташкил этилиб, аҳолига қулайлик яратилади. Бироқ ўқув қуроллари ва мактаб формаси нархи ҳар ерда турлича. “Hudud24.uz” бир болани зарур ўқув анжоми, кийим-кечак билан таъминлаш харажатлари қанчагача тушишини ўрганди. Ҳудудлардаги нарх-наво билан қизиқди.   Фарғона вилояти Бувайда туманидаги “Бувайда савдо комплекси” МЧЖ савдогарларининг айтишича, ота-оналар фарзандининг ўқув қуролларига  ўртача 150 минг сўм сарфлайди. Агар оилада икки ёки уч бола ўқувчи бўлса, бу 300-450 минг сўмга етиши мумкин. Жумладан, тумандаги ярмаркада: – дафтар (12 варақли) 1000 сўмдан 2000 сўмгача; – ручка (кўк/қизил) 1000 сўмдан 5000 сўмгача; – расм дафтар (ҳажмига қараб) 3000 сўмдан 15 минг сўмгача; – рангли қалам 3000 сўмдан 25 минг сўмгача; – акварел бўёқ 5000 сўмдан 25 минг сўмгача нархланмоқда. Мактаб формаси ва спорт кийимига эса бир фарзанд учун ўртача 600-700 минг сўм харжланмоқда. — Костюм-шим 300 минг сўмдан 500 минг сўмгача; — Кофта-юбка 250 минг сўмдан 600 минг сўмгача; — Сарафан 150 минг сўмдан 300 минг сўмгача; — Оқ кўйлак 60 минг сўмдан 150 минг сўмгача; — Сумка (ўғил-қиз) 80 мингдан 300 минг сўмгача сотилмоқда. [caption id="attachment_18456" align="aligncenter" width="1600"] ФОТО: Hudud24.uz / Дилшод Ғофуров[/caption] Вилоятнинг Риштон туманидаги ярмаркаларида ҳам нарх-наво қуйидагича белгиланган: — дафтар (12 варақли) 800 сўмдан 1500 сўмгача; — дафтар (умумий) 2000 сўмдан 8000 сўмгача; — дафтар (фанларга оид) 3000 сўмдан 12 минг сўмгача; — расм дафтари 5000 сўмдан 18 минг сўмгача; — ручка (кўк/қизил) 1200 сўмдан 15 минг сўмгача; — қаламлар (рангли) 8000 сўмдан 25 минг сўмгача; — акварел бўёқлар 10 минг сўмдан 30 минг сўмгача; — ўчирғич 1000 сўмдан 5000 сўмгача; — қалам очқич 2000 сўмдан 10 минг сўмгача; — чизғич 3000 сўмдан 8000 сўмгача; — елим 3000 сўмдан 8000 сўмгача; — рангли қоғоз 4000 сўмдан 20 минг сўмгача; — дафтарга жилдлар (12/25/30 та) 5000 сўмдан 22 минг сўмгача; — пластилин 8000 сўмдан 16 минг сўмгача; — қайчи 8000 сўмдан 15 минг сўмгача; — қоғоз жилди (10/20/30 талик) 5000 сўмдан 15 минг сўмгача; — портфел 100 минг сўмдан 250 минг сўмгача. [caption id="attachment_18454" align="aligncenter" width="1600"] ФОТО: Hudud24.uz / Дилшод Ғофуров[/caption] Кийим-бош масаласи. Ота-она истаса, давлат томонидан белгиланган формани танлайди. Хоҳламагани ўзига маъқулини сотиб олади. Чунончи, риштонлик Хуршида Орипова 3-синфга ўтган ўғлига костюм-шим, оёқ кийим, спорт кийими, кўйлак, кроссовка учун 1 миллион 800 минг сўм ажратганини айтади. Шаҳрисабзлик Дамира Исмаилова эса юқори синфда ўқийдиган қизига юбка (200 минг), кофта (200 минг), сумка (200 минг), туфли (300 минг) ички кийим (200 минг), спорт формаси (400 минг) учун ўртача 1 миллион 500 минг сўм сарфлаганини таъкидлади. Ўқув қуролларига эса 400 минг сўм харажат қилганини қўшимча қилди. [caption id="attachment_18455" align="aligncenter" width="1600"] ФОТО: Hudud24.uz / Дилшод Ғофуров[/caption] Тошкентлик Муштарий Миркадирова 8-синф ўғлига дўконлардан кийим-кечак сотиб олиб, ўртача 6 миллион сўм сарфлаганини айтади. Учқўрғон туманида яшовчи Наргиза Бўстонова Наманган шаҳрининг Сардоба бозоридан икки қизига умумий 3 миллион сўмга мактаб формаси, ўқув қуроллари харид қилганини келтиради. Тошкент шаҳри “Қатортол” савдо марказидаги дўконлар, Сергели, Юнусобод, Чилонзор, Шайхонтоҳур, Миробод туманидаги ярмаркаларидаги ўқув қуроллари, мактаб формалари нарх-навоси солиштирилганда, “Қатортол” савдо марказида нархлар нисбатан юқори экани маълум бўлди. “Қўйлиқ” ҳамда “Қуёшли” бозорларида эса маҳсулотлар улгуржи нархда сотилмоқда. Чорсу буюм бозорининг бир неча нуқталаридаги ярмаркалар нархида деярли тафовут йўқ. [caption id="attachment_18453" align="aligncenter" width="1600"] ФОТО: Hudud24.uz / Дилшод Ғофуров[/caption] Қуйидаги маҳсулотлар нархи сўмда келтирилган бўлиб, бир товар бирлиги учун амал қилади:

Ўқув қуроллари	“Қатортол” савдо маркази	Чорсу буюм бозори	Мактаб ярмаркалари	Oнлайн дўконлар
Дафтар (12 варақли)	1000-1500	800-1200	800-1500	Онлайн дўконлар ўқув қуролларини тўплам шаклида тақдим этмоқда.   Тўплам нархи 210 минг сўмдан бошланиб, унда: дафтар (12 варақли) – 40 та; рангли қаламлар (12 талик); қалам (оддий); қайчи; чизғич; елим (2 та); расм дафтар (24 қоғоз); оқ қоғоз (100 та); рангли қоғоз (100 та) ўчирғич; пенал; ручка; қоғоз жилди жамланган.
Дафтар (умумий)	2000-8000	1800-10 минг	1800-12 минг
Дафтар (фанларга оид)	5000-18 минг	4000-20 минг	5000-20 минг
Кундалик дафтар	15 минг-45 минг	15 минг-35 минг	15 минг-40 минг
Ручка (кўк/қизил)	1500-8000	1000-7000	800-8000
Қалам (оддий)	1500-8000	1500-8000	800-3000
Қалам (рангли)	18 минг-30 минг	12 минг-25 минг	11 минг-18 минг
Расм дафтар (ҳажмига қараб)	15 минг-50 минг	12 минг-30 минг	13 минг-25 минг
Ўчирғич	3000-12 минг	2000-8000	2000-5000
Акварель бўёқ	15 минг-30 минг	12 минг-30 минг	13 минг-30 минг
Чизғич	3000-12 минг	3000-12 минг	3000-12 минг
Қайчи	10 минг-25 минг	8000-20 минг	8000-24 минг
Рангли қоғозлар тўплами	8000-20 минг	10 минг-20 минг	8000-19 минг
Рангли картон	15 минг-25 минг	12 минг-30 минг	12 минг-23 минг
Қалам очқич	3000-10 минг	3000-8000	2000-5000
Дафтарга жилдлар (20 талик)	15 минг-20 минг	15 минг-18 минг	11 минг-17 минг
Қоғоз жилди (10/20/30 талик)	8000-18 минг	10 минг-18 минг	8000-20 минг
Пластилин	12 минг-30 минг	12 минг-25 минг	12 минг-25 минг
Елим	5000-12 минг	4000-10 минг	3000-8000
Портфель	130 минг-400 минг	125 минг-250 минг	150 минг-300 минг	300 минг-320 минг

Сурхондарё вилоятининг Қумқўрғон туманида ташкил этилган мактаб ярмаркаларида эса қуйидаги нархларга керакли буюмни сотиб олиш мумкин: — ручка (кўк/қизил) 1000-2000 сўм; — дафтар (12 варақли) 1000 сўмдан; — дафтар (умумий) 2000-20 минг сўм; — қалам (6 ва 12 талик) 8000-15 минг сўм; — расм дафтар 3000-15 минг сўм; — елим 2000-3000 сўм; — дафтар жилди (15 талик) 10 минг-12 минг сўм; — кундалик дафтар 12 минг-18 минг сўм; — чизғич 3000-5000 сўм; — рангли қоғозлар тўплами 8000-17 минг сўм. [caption id="attachment_18452" align="aligncenter" width="1600"] ФОТО: Hudud24.uz / Дилшод Ғофуров[/caption] Тумандаги ярмарка ва дўконларда сотилаётган мактаб формаси нархи ҳам турлича бўлиб: — Оқ кофта 50 минг сўмдан 200 минг сўмгача; — Юбка 65 минг сўмдан 180 минг сўмгача; — Оёқ кийим 65 минг сўмдан 250 минг сўмгача; — Оқ кўйлак 50 минг сўмдан 180 минг сўмгача; — Шим 75 минг сўмдан 250 минг сўмгача — Костюм-шим 300 минг сўмдан 800 минг сўмгача — Оёқ кийимни 50 минг сўмдан 300 минг сўмгача олиш мумкин. Андижон, Наманган, Қашқадарё ва Самарқанд вилоятларидаги мактаб ярмаркалари маҳсулотлари нарх-навоси солиштирилганда, юқоридаги нархнома билан деярли бир хил. Энг баланд нарх ва бир болага сарфланаётган маблағ Тошкент шаҳрига тегишли бўлиб қолмоқда. Чарос Низомиддинова тайёрлади.