Ҳуқуқ
26.03.2024
356
Турар жойда доимий рўйхатда исталмаган кишиларнинг бўлиши мулкдор учун турли нохуш оқибатларни келтириб чиқариши мумкин. Масалан, коммунал хизматлар учун тўловларнинг ортиши, ушбу уй билан боғлиқ нотариал ҳаракатларда доимий рўйхатда турадиган кишилардан розилик олиш мажбурияти ва ҳоказо.
Бировни «прописка»дан қандай чиқариб ташлаш мумкин? Турар жойга доимий ёки вақтинча рўйхатга кириш ва ундан чиқиш тартиби қандай? Hudud24.uz сайти колумнисти Муроджон Нажмиддинов мақолада шу хусусда сўз юритади.
1. Қанча муддатда ва қаердан «прописка»га кирилади?
Фуқаролар янги яшаш жойига келган кундан 15 кун ичида ўзларига қулай бўлган туман (шаҳар) «паспортный стол», яъни ички ишлар органларининг миграция ва фуқароликни расмийлаштириш бўлинмалари, давлат хизматлари марказлари ёки Ягона интерактив давлат хизматлари портали орқали доимий ёки вақтинча рўйхатдан ўтишлари шарт.
Янги туғилган болалар эса «ЗАГС», яъни ФҲДЁ органлари томонидан унга туғилганлик тўғрисидаги гувоҳномани расмийлаштиришда отаси ёки онасининг доимий яшаш жойи бўйича доимий рўйхатга олинади.
Ягона интерактив давлат хизматлари портали
2. Қандай ҳужжатлар топшириш керак?
Фуқаро вилоятларда доимий яшаш жойи бўйича рўйхатга олиниши учун туман (шаҳар) миграция ва фуқароликни расмийлаштириш бўлинмалари, давлат хизматлари марказларига мурожаат қилишлари ёки махсус порталга қуйидаги ҳужжатларни тақдим этади:
Кишиларни вилоятларда вақтинча турган жойи бўйича рўйхатга олиш унинг доимий рўйхатини бекор қилмаган ҳолда, мулкдорнинг аризасида ёки солиқ идораларида ҳисобга олинган ижара шартномасида кўрсатилган, бироқ бир йилдан ортиқ бўлмаган муддатда амалга оширилади.
Давлат хизматлари маркази ёки махсус портал орқали хизмат кўрсатилганда, зарур маълумотлар идоралараро электрон ҳамкорлик тизими орқали олинади.
3. Бир уйга неча кишини рўйхатга қўйиш мумкин?
Қонунчиликда бир уйда рўйхатдан ўтиши мумкин бўлган кишиларнинг сонига нисбатан талаб йўқ. Бунда уй-жой майдонининг ижтимоий нормасига қаралади. Хусусан, Уй-жой кодексига асосан уй-жой майдонининг ижтимоий нормаси бир киши ҳисобига 16 квадрат метрдан, кресло-аравачада ҳаракатланадиган ногиронлиги бўлган кишилар учун эса – 23 квадрат метрдан кам бўлмаслиги лозим.
Масалан, 65 квадрат метр майдонли уйда 4 кишини рўйхатга қўйиш мумкин. Аммо оила аъзолари бундан кўп бўлсачи? Қонунчиликда бу борада истиснолар белгиланган. Жумладан, қуйидаги кишиларга турар жой майдонининг ижтимоий нормаси тўғрисидаги қоидалар қўлланилмайди:
4. Рўйхатдан ўтиш учун қанча миқдорда тўлов қилинади?
Доимий яшаш ёки вақтинча турган жойи бўйича рўйхатдан ўтказганлик учун фақат биргина тўлов – давлат божи ундирилади.
Ушбу божнинг миқдори «Давлат божи тўғрисида»ги қонунга асосан базавий ҳисоблаш миқдорининг 2 фоизини (бугунги кунда 6 800 сўм) ташкил қилади.
5. Бировни «прописка»дан қандай чиқариб ташлаш мумкин?
«Прописка» тизимида аксарият муаммоли масалалар бировни доимий рўйхатдан чиқариб ташлаш билан боғлиқ бўлади. Масалан, уйни олди-сотди қилишда доимий рўйхатдаги кишиларнинг розилигини олиш керак, аммо ушбу кишиларнинг ҳаммаси ҳам ўша пайтда топиб бўлмайди. Ёки янги сотиб олинган уйда аввалги эгалари рўйхатда қолиб кетган ёки электрон тизимлардаги техник хатоликлар туфайли умуман бегона кишилар «пропискага кириб қолган». Хўш, шундай вазиятларда уларни қандай рўйхатдан чиқариб юбориш мумкин?
Фуқаронинг доимий рўйхатга олинганлиги қуйидаги ҳолларда бекор қилинади:
Шунингдек, мулкдорнинг аризасига кўра – турар жойга нисбатан мулкий ҳуқуқларга ёки мулкдор билан қариндошлик алоқаларига эга бўлмаган кишилар ҳам рўйхатдан чиқарилади.
Улашиш:
Бошқалар
Жўраевлар иши: Ботир Қодиров Шерали Жўраевнинг қўшиқларини куйлаши мумкинми? Интеллектуал мулк ҳуқуқини мерос қолдириш бўйича муҳим жиҳатлар
Хонанда Ботир Қодиров оталикни белгилаш юзасидан судга даъво аризаси киритиши ортидан ижтимоий тармоқларда муҳокамалар бошланди. Муҳокамаларнинг бир йўналиши Шерали Жўраевнинг интеллектуал мулкини мерос қилиб олиш йўналишида бўлмоқда. Жумладан, Ботир Қодиров Шерали Жўраевнинг қўшиқларини айтиши мумкинми? Интеллектуал мулк ҳуқуқи мерос бўлиб ўтадими? Агар Шерали Жўраев муаллифлик ҳуқуқи бўйича васиятнома қолдирган бўлса, оталикни белгиланган тақдирда Ботир Қодиров унга даъво қилиши мумкинми? Hudud24.uz ушбу мақолада интеллектуал мулк ҳуқуқини мерос қолдиришдаги муҳим жиҳатлар хусусида сўз юритади.
Алимент учун чет элга чиқишга қўйилган тақиқни олиб ташлаш тартиби: муҳим 6 та қоида
Алимент тўловчи айрим шахсларнинг бевосита даромад манбаи чет элга чиқиш, миграция билан боғлиқ. Бундай ҳолларда чет элга чиқишга қўйилган тақиқни алиментни олдиндан тўлаш ёки алимент бўйича гаров шартномасини тузиш орқали олиб ташлаш мумкин.
Жаримага тортиш ҳақидаги қарор кеч берилса, уни тўламаслик мумкинми? Йўл-ҳаракати қоидалари бўйича ишларни кўриб чиқишдаги 7 муҳим жиҳат
Уч ой ўтгандан кейин жарима хабарномаси келиши қонунийми? Ҳайдовчи камерага тушса, жаримани ким тўлайди: машина эгасими ёки уни бошқарган одам? Қачон тезликни оширганлик учун жарима қўлланмайди? Маъмурий баённомани имзоламаслик мумкинми, имзоламаса, нима бўлади? Суд ҳуқуқбузар иштирокисиз унга жарима қўлласа ёки қарор унга кеч берилса, уни тўламаса ҳам бўладими? Умуман, агар қоидабузарга вақтида жазо берилмаса, кейинчалик жазолаш мумкинми?
Вафот этган шахсни ота сифатида белгилаш мумкинми? Оталикни белгилаш бўйича муҳим 6 қоида
Никоҳда туғилган боланинг ота-онасига оид маълумотлар никоҳ гувоҳномаси асосида ёзилади. Никоҳда туғилмаган боланинг ота-онасига оид маълумотлар-чи? Оталикни белгилашда фарзанд розилиги олинадими? Hudud24.uz мазкур мақолада оталикни белгилашнинг айрим ҳуқуқий асослари ҳақида маълумот беради.