Ижтимоий тармоқларда Фориш туманидаги қишлоқлардан бирида боғча директори пичоқлаб ўлдирилгани ҳақида хабар тарқалди. Хабарни Жиззах вилояти Ички ишлар бошқармаси тасдиқлади. Ушбу воқеа юзасидан берилган расмий муносабатда айтилишича, жорий йилнинг 5 август куни соат 02.30да Жиззах вилояти Фориш тумани Дўстлик маҳалласида яшаган 1975 йилда туғилган А.Х. Фориш тумани тиббиёт бирлашмасига тан жароҳатлари билан олиб келинган ва кўрсатилган тиббий муолажаларга қарамасдан у вафот этган. Олиб борилган тезкор суриштирув жараёнида А.Х.га 5 август куни соат 00.30да унинг маҳалладоши 1989 йилда туғилган О.А. ўзаро келишмовчилик оқибатида ошхона пичоғи билан тана қисмига икки марта зарба берганлиги аниқланган. Ҳозирда ҳолат юзасидан Фориш тумани прокуратураси томонидан Ўзбекистон Республикаси Жиноят кодексининг 104- моддаси 3- қисми "д" банди билан жиноят иши қўзғатилиб, тергов ҳаракатлари олиб борилмоқда. Жиноят содир этишда гумонланган шахс процессуал тартибда қамоққа олинган.