Шу йил 21 июнь куни Фарғона вилояти Қўқон шаҳрида 25 ёшли йигит жанжал сабабли тенгдошини пичоқлаб ўлдиргани ҳақида хабар берилган эди. Фарғона вилоят ИИБ кеча жиноятда гумонланган шахс ушланганини маълум қилди. Воқеа тафсилотларига кўра, О.З. Данғара туманидаги “Марокаш” номли чойхонада ўртоқлари билан ўтирган вақтида, 1998 йилда Қўқон шаҳрида туғилган Ж.У. бир нечта танишлари  билан чойхонага келиб, фуқаро О.З.ни ўзлари турган жойга чақириб, ўзаро гап талашиб жанжаллашиб, ёнида бўлган ўткир тиғли жисм билан О.З.нинг ўнг кўкрак қафасига уриб, тан жароҳати етказган. Натижада О.З тан жароҳати олиб, ҳодиса жойида вафот этган. Мазкур ҳолат юзасидан Данғара туман прокуратураси томонидан ЖКнинг 97-модда 1-қисми билан жиноят иши қўзғатилиб, Ж.У.га нисбатан қидирув эълон қилинган. Қайд этилишича, Қўқонда вилоят ИИБ ҳамда ДХХ хизмати ходимлари томонидан ўтказилган тезкор тадбирда Ж.У. қўлга олиниб, унга нисбатан "қамоққа олиш" тарзидаги эҳтиёт чораси қўлланилган