Яшаш ҳуқуқи ҳар бир боланинг узвий ҳуқуқидир. Бола ҳаётига суиқасд қилиш энг оғир жиноятдир.

Давлат соғлом боланинг туғилиши ва ривожланишини таъминлаш учун шароит яратади.

Ўзбекистон Республикаси "Бола ҳуқуқларининг кафолатлари тўғрисида"ги қонунига кўра, ҳар бир бола: 

•  туғилгандан эътиборан фамилия, исм, ота исми олиш, миллати ва фуқаролигига эга бўлиш;
 
•  эркинлик, шахсий дахлсизлик, турар жойи дахлсизлиги ва хат-хабарларини сир тутиш;
 
•  ўз шаъни ва қадр-қимматига тажовузлардан, шахсий ҳаётига ғайриқонуний аралашувлардан ҳимояланиш; 

•  турар жойли бўлиш; 

•  ўзининг ёши, соғлиғининг ҳолати ва касбий тайёргарлигига мувофиқ меҳнат қилиш, касбни эркин танлаш, адолатли меҳнат шароитларида ишлаш;
 
•  ўзининг ёши, соғлиғи ҳамда эҳтиёжларига мос келадиган дам олиш ва бўш вақтга бўлиш;
 
•  соғлиғини сақлаш; 

•  хусусий мулк ва бошқа ҳуқуқларга эга.

Болалар ишга 16 ёшдан қабул қилиниши мумкин. 

Бола қонунга асосланмаган ҳолда ушлаб турилиши, ҳибсга олиниши, қамоққа олиниши мумкин эмас.

Давлат: 

•  боланинг шахси, уй-жойи дахлсизлигини, хат-хабарлари сир тутилишини таъминлайди ҳамда болани эксплуатация ва зўравонликнинг барча шаклларидан ҳимоя қилади;
  
•  боланинг бепул мажбурий умумий ўрта таълим ва ўрта махсус таълим олишини таъминлайди;

•  болаларга қонунчиликка мувофиқ ҳажмда бепул тиббий ёрдамни кафолатлайди.