Меҳнат кодексига кўра, белгиланган тартибда иш берувчи томонидан ходимга дам олиш кунларида ёки ишланмайдиган байрам кунларидаги иш учун ҳақ тўланади.

Меҳнат кодексининг 263-моддасига асосан дам олиш кунларидаги ёки ишланмайдиган байрам кунларидаги иш учун қуйидагиларга камида икки ҳисса миқдорида ҳақ тўланади:

ишбай ишловчиларга — камида икки ҳиссали ишбай баҳолар бўйича;

меҳнатига кунбай ва соатбай тариф ставкалари бўйича ҳақ тўланадиган ходимларга — кунбай ёки соатбай тариф ставкасининг камида икки ҳиссаси миқдорида;

маош оладиган ходимларга — ҳар бир ишланган кун ёки соат учун маошдан ташқари кунбай ёки соатбай ставкасининг камида бир ҳиссаси миқдорида.

Жамоа шартномасида, иш берувчи томонидан касаба уюшмаси қўмитаси билан келишувга кўра қабул қилинган ички ҳужжатда, меҳнат шартномасида дам олиш кунларидаги ёки ишланмайдиган байрам кунларидаги иш учун қўшимча тўловларнинг юқорироқ миқдорлари назарда тутилиши мумкин.

Юқоридагиларга кўра, Иш берувчи томонидан меҳнат шартларига асосан ходимга дам олиш кунларида ёки ишланмайдиган байрам кунларида Меҳнат кодексида кўрсатилган тартибда ҳақ тўланади.

А.Раҳмонов,
Сурхондарё вилоят адлия бошқармаси
ҳуқуқий ахборот шўбаси бошлиғи