Дунёда вабо билан касалланиш кўпаймоқда
Ўзбекистон
28.09.2023
629
Жаҳон соғлиқни сақлаш ташкилоти (ЖССТ) маълум қилишича, ўтган йили вабо билан касалланиш ҳолати икки баравар кўпайган. Охирги маълумотларга кўра, 2022 йилда 472 мингдан ортиқ кишида вабо касаллиги қайд этилган. Таққослаш учун, 2021 йилда бу кўрсатгич 223 мингдан ортиқ кишида қайд этилган . ЖССТ маълумотларига кўра, Афғонистон, Камерун, Конго Демократик Республикаси, Малави, Нигерия, Сомали ва Сурия ўтган йили вабодан энг кўп жабр кўрган. “Можаролар, иқлим ўзгариши, мамлакат ривожига чекланган сармоя ва заифлик туфайли одамларнинг миграцияси вабо эпидемиясининг кўпайишига сабаб бўлмоқда. COVID-19 нинг тугаши, жумладан, инфекциянинг олдини олиш ва назорат қилиш чораларининг камайиши ва эпидемияга қарши курашиш учун маблағларнинг камайиши бошқа касалликларга, шу жумладан вабо кўпайишига ҳам таъсир қилди”, дейилади ЖССТ ҳисоботида. ЖССТ экспертларининг таъкидлашича, инфекция ҳақида ҳали етарли маълумотлар йўқ. Улар ушбу иллат оқибатида ҳар йили 1,3-4 миллион касаллик ва 143 минггача ўлимни башорат қилмоқда .
Улашиш:
Бошқалар
Мурожаатчи билиши лозим бўлган 5 та муҳим факт
Қонунчилигимизда мурожаатчининг мурожаати юзасидан хавфсизлигининг кафолатлари белгиланган бўлиб, мурожаатчини таъқиб этиш ман этилади.
Ҳомиладор ва уч ёшга тўлмаган фарзанди бор аёллар меҳнат ҳуқуқларини таъминлашинг ўзига хос жиҳатлари
БМТ маълумотларига кўра, ўртача меҳнат бозорида аёллар ҳали ҳам глобал миқёсда эркакларникига қараганда 23 фоизга кам даромад олишади. Бунда, хотин-қизларнинг таълим олишга бўлган ҳуқуқининг таъминланмаганлиги асосий сабаб сифатида кўрсатилади.
15 та туман ва шаҳарда барча давлат идоралари туманлар марказидаги битта кўп қаватли бинога кўчирилади
Янги биноларнинг 1-2-қаватлари тадбиркорларга сотилади.
Давлат хизматчилари байрамларда совға олиши мумкинми? Муҳим 5 саволга жавоб
Аксарият учун байрам ва бошқа тадбирларнинг завқли жиҳатларидан бири совға бериш ва олиш бўлса керак.
