Ким томонидан берилади?

Электрон рақамли имзони (ЭРИ) “Давлат солиқ қўмитаси ҳузуридаги Янги технологиялар илмий-ахборот маркази” давлат унитар корхонасининг Рўйхатга олиш маркази томонидан берилади.

ЭРИни қандай олиш мумкин?

ЭРИни қуйидаги усулларда олиш мумкин:

1. https://e-imzo.soliq.uz/ - Давлат солиқ қўмитасининг махсус иловаси орқали;

2. Ҳудудий Давлат хизматлари марказларига шахсан бориб, мурожаат қилиш орқали;

2. my.gov.uz порталига онлайн ариза юбориш орқали (мазкур ҳаволада ариза топшириш кўрсатилган);

ЭРИни кимлар олиши мумкин?

ЭРИ калитларнинг сертификатлари юридик ва жисмоний шахсларнинг мурожаатлари бўйича берилади. Мурожаат қилган шахс рўйхатдан ўтиш ва ЭРИ калитининг сертификатини олиш учун солиқ хизматлари органларида ҳисобда туриши зарур (солиқ тўловчининг идентификация рақами -СТИР бўлиш керак).

Сертификатда нималар кўрсатилади?

Сизга маълумотлар манбаида электрон кўринишда очиқ ва ёпиқ калитлари ҳамда ЭРИ калитининг сертификати берилади. ЭРИ калитининг сертификатида куйидагилар кўрсатилади:

• электрон рақамли имзонинг эгаси бўлган жисмоний шахснинг фамилияси, исми, отасининг исми;
• агар электрон рақамли имзонинг эгаси юридик шахснинг вакили бўлса, шу юридик шахснинг номи;
• электрон рақамли имзонинг тартиб рақами ва амал қилиш муддати;
• электрон рақамли имзонинг очиқ калити;
• электрон рақамли имзонинг очиқ калитидан фойдаланишда ёрдам бериши мумкин бўлган электрон рақамли имзо воситаларининг номи;
• мазкур сертификатни берган Рўйхатга олиш марказининг номи ва жойлашган манзили;
• электрон рақамли имзодан фойдаланиш мақсадлари тўғрисидаги маълумотлар;
• электрон рақамли имзо калитлари сертификатлари реестрининг электрон манзили.

Бу нима учун керак?

ДСҚнинг Рўйхатга олиш марказининг ЭРИсини олганда, Сиз солиқ, божхона, статистика ва бошқа бошқарув органларининг электрон давлат хизматларидан, ҳамда Давлат хизматларининг Ягона порталида электон давлат хизматларидан фойдаланиш имкониятини янада кенгайтирасиз.

ЭРИ нинг калитлари бир вақтда Сиз солиқ органларининг бир қатор давлат хизматларни олиш учун электрон сўровларни, солиқ ҳисоботларни ва даромад хақида декларацияни юбориш, Сизнинг мурожаатларингизни қабул қилингани хақида маълумотларни билишингиз, электрон хабарларни ва ўзингиз хақида конфиденциал ахборотни бевосита Давлат солиқ қўмитасининг ахборот манбаилардан олиш имкониятни берадиган солиқ тўловчининг шаҳсий кабинетинига кириш учун калитга эга бўласиз.