Тошкент метрополитени Юнусобод йўналишининг Шаҳристон ва Туркистон бекатлари оралиғида таъмирлаш ишларини олиб бориш учун вақтинчалик ёпилиши муносабати билан, йўловчилар ташиш узлуксизлигини таъминлаш кўзда тутилган. Шундан келиб чиқиб, “Тошшаҳартрансхизмат” АЖ томонидан 2023-йил 26 август кунидан бошлаб метрополитен йўналишининг Юнусобод ва Туркистон станциялари ишга туширилгунга қадар 2м-сонли “Юнусобод 12-даҳаси – Шахристон метроси” оралиғида вақтинчалик хизмат кўрсатувчи бепул метробус йўналиши ташкил этилмоқда. [caption id="attachment_18820" align="aligncenter" width="1280"] ФОТО: “Тошшаҳартрансхизмат” АЖ[/caption] Мазкур ташкил этилаётган вақтинчалик метробус йўналишидаги ҳаракат жадваллари сони “King Long” русумли автобуслар асосида 10 та, йўналишнинг иш тартиби 3 дақиқалик оралиқ интервал билан соат 05:00 дан 00:00 га қадар этиб белгиланган. Йўналиш Юнусобод мавзеси 12-даҳа бекатидан Юнусобод, Туркистон ва Шахристон метро бекатлари орқали тўхтаб ҳаракатланади. Қайд этилишича, автобусларнинг олди ва ён қисмларида метро белгиси (метробус) ўрнатилган.