Қувасой шаҳар ИИБ ходимлари ҳуқуқни муҳофаза қилувчи органлар билан ҳамкорликда тезкор-қидирув тадбирлари олиб борилди.

Унинг натижасида Т.Қ.нинг Қувасой шаҳар, Помон м.ф.й., Қайрилма кўчасидаги олма боғи холислар иштирокида текширилганда, боғда дарахтлар остида, тахминий нархи 11 млн 700 минг сўм миқдорида бўлган, 3 дона қоғоз қутиларда 39 та блок, 390 та қути ичида 3900 дона “С новом годом” номли пиротехника воситалари борлиги аниқланган.

Маълум қилинишича, ҳолат юзасидан Қ.Т.га нисбатан ЎзР. МЖтКнинг 185-моддаси прим 1-моддаси билан маъмурий жавобгарликка тортиш чораси кўрилган.

Бошқа ҳолатда эса, Сирдарёда аввалдан кузатувга олинган шахс бошқарувидаги “Isuzu” юк автотранспорт воситаси тўхтатилиб, белгиланган тартибда кўздан кечирилган.

Натижада, автомашина юкхонасидаги банан қутилари орасига 8 қути пиротехника воситалари яширилганини фош бўлган.

Хорижда ишлаб чиқарилган ва ҳеч қандай ҳужжатлари бўлмаган 3 турдаги 201 минг донадан ортиқ салют ва петардаларнинг умумий қиймати 123 млн сўмни ташкил қилган.

Ҳолат юзасидан терговга қадар текширув ҳаракатлари олиб борилмоқда.