Энди дронлардан ноқонуний фойдаланганлик учун белгиланган жавобгарлик юмшатилиши мумкин
Ҳуқуқ
14.12.2023
763
Ўзбекистонда дронлардан ноқонуний фойдаланганлик учун белгиланган жавобгарлик енгиллаштирилмоқда. Бунга оид қонун лойиҳаси Парламент қуйи палатасидаги ХДП фракциясининг навбатдаги йиғилишида муҳокама қилинди.
“Бугунги кунда фуқаролар ва хорижий сайёҳлар томонидан учувчисиз учадиган аппаратлар олиб келинганда уларга нисбатан жиноят иши қўзғатилиши ва процессуал ҳаракатлар амалга оширилиши, интернет тармоғида жамоатчилик томонидан кескин муҳокама ва мунозараларга сабаб бўлиб, мамлакатимизнинг имиджига салбий таъсир кўрсатмоқда”, — дейилади муҳокамада
Ушбу ҳужжат билан Маъмурий жавобгарлик тўғрисидаги кодекс учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш ҳаракатларини содир этганлик учун маъмурий жавобгарликни назарда тутувчи 185-4-модда билан тўлдирилмоқда.
Шунингдек, Жиноят кодексининг 244-4-моддасида белгиланган санкцияларга муқобил жарима, ахлоқ тузатиш ишлари, озодликни чеклаш каби жазо турлари киритиляпти.
Қонун лойиҳаси ташаббускорларининг айтишича, лойиҳанинг қабул қилиниши учувчисиз учадиган аппаратларни Ўзбекистон ҳудудига олиб кириш ва ундан фойдаланишнинг ўрнатилган тартиб қоидаларини ўзгартирмаган ҳолда, бугунги кунда жамоатчиликда юзага келаётган эътирозли кайфиятни юмшатиш имкониятини яратади.
Амалдаги Жиноят кодексига кўра, учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш 3 йилгача озодликдан маҳрум қилиш билан жазоланади.
Улашиш:
Бошқалар
“Эл-юрт умиди” жамғармаси орқали хорижда бепул ўқиш: муҳим 5 саволга жавоб
Жамғарма томонидан ҳужжатлар текширилиб, танлов талабларига тўғри келадиганлар саралаб олинади.
Сув кодекси қандай жиҳатларни ўз ичига олган. Муҳим 6 жиҳат
Кодекс сув, сув объектлари, сув хўжалиги объектлари ва сув фонди ерларидан оқилона фойдаланиш ҳамда уларни муҳофаза қилиш соҳасидаги муносабатларни тартибга солади.
Кимга неччи соат – умумтаълим муассасаларида дарс соатлари қандай тақсимланади?
Қонунчиликка кўра, умумтаълим муассасалари умумий ўрта таълимнинг таянч ўқув режаси асосида ҳар йили 10 сентябрга қадар умумтаълим муассасасининг дарс соатлари сеткасини шакллантиради.
Харид чеки – оддий қоғоз парчаси эмас
Қонунчилигимизда харид чеки сотувчи ва харидор ўртасидаги ҳисоб-китоб муносабатларининг расмий белгиси сифатида мажбурий ҳисобланади.
Мавзуга доир янгиликлар:
"Бахти Ташкентский" нинг ўғли ва 5 киши ушланди
Улардан жабр кўрганлар Тошкент шаҳар ИИББга хабар бериши сўралган.
Фарғонада олма боғига, Сирдарёда банан қутилари орасига яширилган жами 135 млн сўмлик пиротехника аниқланди
Дарахтлар остидан 39 та блок, 390 та қути ичида 3 900 дона пиротехника воситалари топилган.
⚡️Блогер Олимжон Ҳайдаровга суд ҳукми ўқилди
Жиноят ишлари бўйича Фарғона туман судида блогер Олимжон Ҳайдаровга оид жиноят ишини кўриб чиқиш бўйича очиқ суд жараёни якунланиб, суд ҳукми эълон қилинди.
“Dok-1 maks” жиноят иши: суд бир ой муддатга танаффус эълон қилди
Айни пайтгача иши кўрилаётган судланувчиларнинг айблови билан боғлиқ ҳолат бўйича жиноят иши юзасидан қўшимча процессуал ҳаракатлар олиб бориш тақозо этилади.