Ўзбекистон
27.02.2024
342
Фискал тартиб-қоидаларга оид ҳуқуқбузарликлар биринчи марта содир этилганда охирги ҳисобот чорагида олинган соф тушумнинг 2 фоизи миқдорида жарима солинади. Бу ҳақда АОКАда ўтказилган брифингда Солиқ қўмитаси ахборот хизмати раҳбари Дилдора Ҳошимова маълум қилди.
Қайд этилишича, айрим турдаги маҳсулотларни мажбурий рақамли маркировкалаш ва бошқа фискал тартиб-қоидаларни бузганлик учун Солиқ кодексининг 227-прим 1-моддасига асосан қўлланилаётган жарималарнинг юқорилиги тадбиркорларнинг эътирозларига сабаб бўлаётган эди.
Ўзбекистон Республикаси Президентининг жорий йил 26 февралдаги ПФ-39 сон Фармони билан мазкур ҳуқуқбузарликлар учун жарималар миқдори 50 баробарга камайтирилиб, илгари қўлланилган жарима суммалари ҳисобдан чиқариладиган бўлди.
Солиқ кодексининг 227-прим 1-моддасида назарда тутилган яъни фискал тартиб-қоидаларга оид ҳуқуқбузарликлар биринчи марта содир этилганда охирги ҳисобот чорагида олинган соф тушумнинг 2 фоизи миқдорида жарима солиниши белгиланади. Аввал соф тушумнинг 100 фоизи миқдорида жарима солинган.
Агар мазкур турдаги ҳуқуқбузарлик бир йил давомида такрор содир этилганда жарима миқдори соф тушумнинг 20 фоизи миқдорида этиб ўрнатилади.
Маълумот учун, дастлабки ҳисоб китобларга кўра 2022 йил 13 июндан бугунги кунга қадар 1,5 минг нафар тадбиркорларга нисбатан 694 млрд сўм жарима қўлланилиб, шундан 39 млрд сўми ундирилган.
Шунингдек, мазкур Фармон кучга киргунга қадар фискал тартиб-қоидаларга оид ҳуқуқбузарликлар учун қўлланилган молиявий жарималар бўйича мавжуд қарздорликнинг 98 фоизи ҳисобдан чиқарилади. Ҳисобдан чиқарилган қарздорликни ундириш билан боғлиқ суд ва ижро ишлари тугатилади.
Шу билан бирга ундирилган жарима суммаларининг 98%и келгуси тўловлар ҳисобига ўтказилади.
Бундан ташқари, Солиқ кодексига мазкур Фармондан келиб чиқиб ўзгартиришлар киритилгунга қадар ушбу ҳуқуқбузарликлар учун молиявий жарималар ва маъмурий жазо чоралари қўлланилмайди.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Меҳнат шартномаси бўйича нималарни билиш керак? Муҳим қоидалар
Мазмунан меҳнатга оид муносабатларни тартибга соладиган фуқаролик шартномаларини тузиш тақиқланади. Яъни фуқаролик шартномасида меҳнат муносабатларига оид шартлар кўзда тутилмаслиги лозим.
Ажрашгандан кейин ҳам собиқ эр (хотин) таъминот олиши мумкин
Қонунчиликка кўра, никоҳдан ажралгунга қадар ёки никоҳдан ажралган пайтдан бошлаб 1 йил давомида меҳнатга лаёқатсиз бўлиб қолган ёрдамга муҳтож собиқ хотин (эр) суд тартибида алимент талаб қилиш ҳуқуқига эгадир.
Фискал тартиб-қоидаларини бузганлик учун жарима миқдори қисқартирилмоқда
Қонун Қуйи палатада қабул қилиниб, Сенатга юборилди.
Дарахт кесганлик учун жарима миқдори 5 бараварга оширилди
Қонунга асосан дарахтларни кесиш ёки шикаст етказганлик учун жазо чоралари кучайтирилди.
Йўл ҳаракати қоидаларини бузганлик учун қандай жарималар бор?
“Тонировка”ли автомобилни рухсатнома олмасдан бошқариш 8 млн 250 минг сўм; товуш сигналини сабабсиз бериш 330 минг сўм жаримага сабаб бўлади.