Бугун, 3 февраль куни Ўзбекистон миллий терма жамоаси Осиё кубогининг чорак финал босқичида мезбон Қатарга қарши баҳс олиб боради. Мазкур учрашувда футболчиларимиз тўлиқ оқ либосда, дарвозабонимиз эса қора либосда ҳаракатланади.

Шунингдек, учрашувни бошқариб борадиган ҳакамлар гуруҳи ҳам маълум. Бош ҳакам Жанубий Корея вакили Ким Ҳи Гон, унга қанотларда ҳамюртлари Юн Жаэ Еол ва Парк Санг Жун ёрдам беради. Захира ҳаками сифатида эса қувайтлик Абдулла Жамали ишлайди.

“Ал-Байт” стадионида старт оладиган учрашув соат 20:30 дан бошлаб Спорт ТВ телеканали орқали жонли намойиш этилади.

Шунингдек, бугун соат 16:30да ушбу босқич доирасида Япония ва Эрон терма жамоалари ўртасидаги ўйин ҳам ўтказилади. Мазкур беллашув ғолиби, Қатар ва Ўзбекистон қарама-қаршилиги ғолиби билан ярим финалда рўбарў келади.

Ўз навбатида, мусобақанинг дастлабки ярим финал жуфтлиги кеча маълум бўлганди. Иордания Тожикистонни ютиб, Жанубий Корея эса Австралиядан устун келиб, 1/4 финалга йўл олишган.