Футзал бўйича 2024 йилги жаҳон чемпионати учун аккредитация жараёни бошланди
Содда талқин
28.07.2024
1 210
Халқаро футбол федерацияси (ФИФА) жорий йилнинг 14 сентябридан 6 октябрига қадар Ўзбекистонда бўлиб ўтадиган футзал бўйича 2024 йилги жаҳон чемпионатига аккредитациядан ўтказиш жараёнини бошлади.
Турнирга аризалар қабул қилиш 15 августга қадар давом этади.
Жаҳон чемпионатида ишлашни хоҳловчи ОАВ вакиллари ФИФА расмий сайти — media.fifa.com'ning медиа бўлимида рўйхатдан ўтишлари керак. Жаҳон чемпионати чипталари эгаларини тасдиқлаш ва аккредитациядан ўтказиш ФИФАнинг медиа бўлими томонидан амалга оширилади.
Ариза беришни хоҳловчи ОАВ ходимлари fifa.com расмий веб-сайтида ўз фаолият соҳалари бўйича ОАВ қоидалари билан танишишлари керак.
Эслатиб ўтамиз, 26 май куни қадимий Самарқанд шаҳридаги Регистон майдонида бўлажак жаҳон чемпионатига қуръа ташлаш маросими бўлиб ўтган эди. Унинг натижаларига кўра, Ўзбекистон терма жамоаси Парагвай, Коста-Рика ва Нидерландия жамоалари билан «А» квартетидан жой олди. Жаҳон чемпионатининг очилиш учрашуви 14 сентябрь куни Ўзбекистон ва Нидерландия терма жамоалари ўртасида бўлиб ўтади. Ўйинлар Тошкент, Андижон ва Бухоро шаҳарларида бўлиб ўтади.
Улашиш:
Бошқалар
Ер солиғи ставкаси қандай аниқланади?
Туманлар ва шаҳарлар халқ депутатлари Кенгашлари томонидан жорий солиқ даври учун солиқ ставкалари қишлоқ хўжалигига мўлжалланмаган ер участкалари жойлашган жойдаги солиқ органларига ҳар йили 10 январга қадар тақдим этилади.
Жисмоний шахсларнинг қайси даромадларига солиқ солинмайди?
Солиқ кодексининг 378-моддасига кўра, жисмоний шахсларнинг айрим даромад турларига солиқ солинмайди.
Педагог ким? Унинг ҳуқуқ ва мажбуриятлари қандай?
Педагогнинг ҳуқуқлари, шаъни, қадр-қиммати ва ишчанлик обрўси давлат ҳимояси остида бўлади.
Қандай ҳолатлар ишга киришни асоссиз рад этиш саналади?
Меҳнат кодекси 119-моддасида ишга қабул қилишни қонунга хилоф равишда рад этиш асослари келтирилган.
