Қонунчиликка кўра, ходим ўзи рози бўлсагина таътилдан чақириб олиш мумкин. Ходим иш берувчининг таътил тугамасидан ишга чиқиш ҳақидаги кўрсатмаларини бажаришдан бош тортса, буни меҳнат интизомини бузиш деб баҳолаш мумкин эмас. Таътилнинг фойдаланилмай қолган қисми ходимга мазкур иш йили давомида бошқа вақтда берилиши ёки кейинги иш йилининг таътилига қўшиб қўйилиши керак. Таътил иш йили тугагунга қадар берилиши лозим. Ишлаб чиқариш тусидаги сабабларга кўра жорий йилда таътилни тўлиқ бериш имкони бўлмаган ҳолларда, ходимнинг розилиги билан таътилнинг 12 иш кунидан ортиқ бўлган қисми кейинги иш йилига кўчирилиши мумкин, ходим шу йили ундан албатта фойдаланиши керак. Ўн саккиз ёшга тўлмаган ходимларга йиллик таътилни, шунингдек йиллик қўшимча таътилларни бермаслик тақиқланади. Н.Ҳамроев, Шофиркон туман адлия бўлими юридик хизмат кўрсатиш маркази бош юрисконсулти