Ижтимоий тармоқларда Хоразм вилоятининг Хонқа туманидаги хусусий боғчаларнинг бирида болаларнинг калтаклангани акс этган видеолавҳа тарқатилди. Ҳолат юзасидан вилоят мактабгача ва мактаб таълими бошқармаси матбуот хизмати муносабат билдирди. Қайд этилишича, ҳолат Хоразм вилояти мактабгача ва мактаб таълими бошқармаси ишчи гуруҳи ҳамда тегишли ваколатли ташкилот ходимлари ҳамкорлигида ўрганилган. Ўрганиш давомида воқеа Хонқа туманидаги “Адолат Динора орзулари” нодавлат таълим муассасасида содир бўлгани аниқланган. Табиячи Қ.З. тарбияланувчиларга қўпол муносабатда бўлгани ва ички меҳнат тартиб-қоидаларини қўпол равишда бузгани учун у билан тузилган меҳнат шартномаси бекор қилинган.