Ишдан бўшаган ходимнинг меҳнат дафтарчасини почта орқали уйига жўнатса бўладими?
Ўзбекистон
02.05.2023
1 296
Ходим ишдан бўшатилган, лекин у меҳнат дафтарчасини олиб кетиш учун ишхонага келмаяпти. Меҳнат дафтарчасини почта орқали унинг уйига юборсам тўғри бўладими? Бу ҳолатда қандай йўл тутиш керак? "Меҳнат дафтарчаларини юритиш тартиби тўғрисида"ги йўриқноманинг 3.3-бандига асосан, меҳнат шартномаси бекор қилинган куни ходим ишда бўлмаган тақдирда, иш берувчи ўша куниёқ унга почта орқали меҳнат дафтарчасини олиб кетиш тўғрисида огоҳлантирувчи хабарнома жўнатиши керак. Ходимнинг меҳнат дафтарчасини яшаш жойига почта орқали жўнатиш фақат унинг розилиги билан амалга оширилади. Демак, ишдан бўшаган ходимга дастлаб почта орқали меҳнат дафтарчасини олиб кетиш тўғрисида хабарнома юбориб, огоҳлантириш керак. Агар ходим ўзи кела олмай, меҳнат дафтарчасини почта орқали юборишни сўраса ёки бунга розилик берса, ана шундагина дафтарчани почта орқали унга юбориш мумкин бўлади.
Саволга туман адлия бўлими бошлиғи Абдували АСАДОВ жавоб берди.
Улашиш:
Бошқалар
Кўчмас мулк ва транспорт воситалари олди-сотдисида янги босқич: электрон тўлов тизимига ўтиш
Тарафлар ўзаро келишувга эришгач, харидор ёки унинг вакили банкка мурожаат қилиб, тегишли маълумотлар акс эттирилган ариза тақдим этади.
Қандай ҳолатлар никоҳ тузишга монелик қиладиган ҳолатлар сифатида баҳоланади?
Никоҳ — бу икки шахснинг ихтиёрий ва тенг ҳуқуқли иттифоқи бўлиб, у нафақат маънавий, балки жиддий юридик оқибатларни келтириб чиқарадиган шартнома ҳисобланади.
Уй-жой сотиб олиш учун субсидиялар ажратиш тартибини биласизми?
Уй-жой субсидияси – бу даромади юқори бўлмаган шахсларга уй-жой шароитларини яхшилаш мақсадида давлат бюджетидан қайтариб берилмаслик шарти билан ажратиладиган маблағдир.
Кўп қаватли уйларда яшашнинг айрим қоидалари
Қўшнилар подездларда ёки зинапояларда ўзларининг шахсий буюмларини (шкаф, эски мебел, қурилиш чиқиндилари) сақлашга ҳақли эмаслар. Бу ёнғин хавфсизлиги қоидаларига зид.
