Испания Тенглик масалалари бўйича вазирлиги гендер тенглигини яхшилаш кампанияси доирасида оила аъзолари ўртасида масъулият тақсимотини кузатиш учун мўлжалланган иловани ишга туширишини айтди. Испаниянинг Тенглик масалалари бўйича вазирлиги раҳбари ўринбосари Aнжела Родригес Женевада бўлиб ўтган БМТнинг аёлларга нисбатан камситишларга барҳам бериш бўйича қўмитаси йиғилишида ўз режалар ҳақида маълум қилди. "Сўровлар шуни кўрсатадики, аёллар эркакларникига қараганда уй ишларига кўпроқ вақт сарфлашади", деди Родригес ва илова ҳар бир оила аъзоси уй юмушларига сарфлаган вақтини назорат қилиш имконини беради. "Бу жуда оддий", деди у ва илова жуфтликларнинг озиқ-овқат ёки бошқа харажатларни бўлишиш имконини берувчи Splitwise каби дастурларга ўхшаш тарзда ишлашини тушунтирди. Ўтган йил декабр ойида Испания Миллий статистика институти томонидан эълон қилинган сўровга кўра, аёл респондентларнинг 45,9 фоизи ва эркаклар эса 14,9 фоизи уй ишлари бажаришини айтди. Ёзга қадар ишга тушириши керак бўлган илова нафақат эр-хотинлар, балки ота-оналар ва болалар ёки қўшнилардан иборат уй хўжаликлари учун ҳам фойдали бўлади, дея қўшимча қилди у.