— Қайнотам вафот этди, бундан аввалроқ қайнонам оламдан ўтган. Уларнинг номида банкда оз миқдорда пул бор эди. Улардан уч нафар фарзанд бор, қайниопам, турмуш ўртоғим ва қайнисинглим. Пулни турмуш ўртоғим синглисига ўтказиб бериши учун қандай ҳужжатлар керак бўлади? — Қайнона ва қайнотангиз  яшаган ҳудуддаги нотариусга қуйидаги ҳужжатлар билан мурожаат қиласиз: * марҳумларнинг ўлим ҳақидаги гувоҳномалари; * уларнинг фарзандларининг туғилганлик ва никоҳ тузилганлик ҳақида гувоҳномалари; * паспортлари; * омонат дафтарчаси. Балиқчи туманида хусусий амалиёт билан шуғулланувчи нотариус Дилшодахон Қобулова жавоб берди.