Ўзбекистон
17.02.2023
643
Касби туманида яшовчи фуқаро Ж.Рустамов мактабда ўтказилган кўрик танловда 2-ўринни эгаллаган. Аммо ғолибга ваъда қилинган пул мукофоти берилмаган. Шу сабабли Ж.Рустамов ўз ҳуқуқларини тиклаб беришлари учун Қашқадарё вилоят адлия бошқармасига мурожаат қилди. Унинг мурожаати бошқарма бошлиғи ҳамда туман адлия бўлимитомонидан ўрганиб чиқилди. Мурожаатни ўрганиш давомида аниқланишича, қонунчиликка кўра танлов ғолиблари туман босқичида 1-ўринни эгаллаган тумандаги 12-мактабга 100 млн сўм, 2-ўринни эгаллаган 11-ИДУМга 75 млн сўм, 3-ўринни эгаллаган 53-ИДУМга 50 млн сўм Президент соврини билан туман маҳаллий бюджетидан мукофотланиши ҳамда Президент соврини сифатида пул мукофотлари 5 кун ичида ғолиб мактабларнинг бюджетдан ташқари шахсий ғазна ҳисобварағига ўтказиб берилиши керак эди. Бироқ Касби туман ҳокимининг тегишли қарори билан туман маҳаллий бюджети ҳисобидан энг яхши мактаб танловида 1-ўринни эгаллаган 12-мактабга 100 млн сўм ва 3-ўринни олган 53-ИДУМга 50 млн сўм тўлаб берилиб, 11-ИДУМ Президент мактаблари агентлиги тизимига ўтиб кетганлиги сабабли 2-ўринни эгаллаган бўлишига қарамай 11-ИДУМга 75 млн сўм пул маблағлари тўлаб берилмаган. Касби туман адлия бўлими томонидан туман ҳокими номига тақдимнома киритилди, натижада Халқ депутатлари Касби туман Кенгашининг тегишли қарори билан Президент соврини учун «Хорижий тилларни ўқитиш бўйича энг яхши мактаб» танловида 2-ўринни қўлга киритган 11-ИДУМга (унинг ҳуқуқий вориси бўлган Касби ихтисослаштирилган мактабига) 75 млн сўм тўлаб бериш ҳақида қарор қилинди ва мурожаат қаноатлантирилди.
Қашқадарё вилоят адлия бошқармаси ахборот хизмати
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ҳуқуқбузарликлар ҳақида хабар қилинганда қандай мукофот берилади?
Қонунчиликда фуқаролар бир қатор ҳуқуқбузарликлар тўғрисида давлат органларига хабар берганда мукофот пули бериш назарда тутилган. Hudud24.uz қонунчиликни таҳлил қилиш жараёнида аниқланган, ҳуқуқбузарлик ҳақида хабар берилганда мукофотлаш назарда тутилган айрим ҳуқуқбузарликлар ҳақида маълумот беради.
Шавкат Мирзиёев “Туркий дунёнинг олий ордени” билан мукофотланди
Ўзбекистон Президентига Туркий давлатлар ташкилотининг олий мукофоти топширилди.
“Uzbekistan Airports”нинг “SILK AVIA”даги улуши “Uzbekistan Helicopters” га ўтказиладиган бўлди
Президент қарори билан “SILK AVIA” МЧЖ устав капиталидаги “Uzbekistan Airports” АЖнинг 100 фоиз улушини унинг брендини сақлаб қолган ҳолда “Uzbekistan Airways” АЖ таркибидаги “Uzbekistan Helicopters” МЧЖ устав капиталига ўтади.
Йўловчилар сони кескин кўпайиб, вагонларга нормадан ортиқ юклама тушиши оқибатида метро поездлар тез-тез бузилмоқда – Метрополитен
“Тошкент метрополитени” ДУК метро йўловчиларига мурожаат билан чиқди.