Қашқадарёда жинсий қулликда сақланган 14 яшар қизнинг ҳозирги аҳволи маълум қилинди
Ўзбекистон
25.12.2023
1 030
Болалар омбудсмани Сурайё Раҳмонова Қашқадарё вилоятида 7 ой давомида жинсий қулликда сақланган 14 яшар қиз билан учрашди.
2009 йилда туғилган қизни 2023 йилнинг май ойидан 15 ноябрь кунига қадар Шаҳрисабз тумани, Хўжабоғ қишлогида яшовчи фуқаро N.A. (аёл) ўзининг уйида 7 ой давомида мажбуран сақлаб келиб, зўрлик ва таҳдид орқали уни турли шахслар билан жинсий алоқа қилишга мажбурлаб келган.
Сурайё Раҳмонова қиз билан учрашиб, унга кўрсатилаётган ижтимоий кўмак, таълим шарт-шароитлари ҳамда эмоционал-психологик ёрдам ҳолатини ўрганган.
Келтирилишича, қизнинг ҳозирда аҳволи анча яхшиланиб, барқарорлашган, психолог томонидан унга мунтазам кўмак кўрсатилмоқда. Шунингдек, педагоглар жалб қилинган ҳолда болага мактаб дастуридаги асосий фанлардан дарслар ўтилмоқда.
“Жумладан, Ch.T. инглиз тили ва компьютер саводхонлигига катта иштиёқ кўрсатяпти, тасвирий санъатга эса алоҳида қобилияти бор. Самимий суҳбатимиз давомида қизча келгусидаги режалари билан бўлишди, энг асосий мақсади — таълим олиб, ҳуқуқни муҳофаза қилиш соҳасининг етук мутахассиси бўлишга интилишини билдирди”, дейилади Болалар омбудсмани хабарида.
Болалар омбудсмани бундай мудҳиш жиноят қурбони бўлган боланинг ҳар томонлама реабилитацияси, ўз тенгдошлари доирасида нормал ижтимоийлашуви ва энг муҳими, таълим олиш имкониятлари таъминланиши устидан ўз кузатувини давом эттиради.
Эслатиб ўтамиз, мазкур жиноят бўйича Жиноят кодексининг 135-моддаси 3-қисми «а» банди бўйича жиноят иши қўзғатилган бўлиб, ҳозирда Китоб туман ИИБ ҳузуридаги Тергов гуруҳи томонидан дастлабки тергов ҳаракатлари олиб борилмоқда.
Улашиш:
Бошқалар
Кўчмас мулк ва транспорт воситалари олди-сотдисида янги босқич: электрон тўлов тизимига ўтиш
Тарафлар ўзаро келишувга эришгач, харидор ёки унинг вакили банкка мурожаат қилиб, тегишли маълумотлар акс эттирилган ариза тақдим этади.
Қандай ҳолатлар никоҳ тузишга монелик қиладиган ҳолатлар сифатида баҳоланади?
Никоҳ — бу икки шахснинг ихтиёрий ва тенг ҳуқуқли иттифоқи бўлиб, у нафақат маънавий, балки жиддий юридик оқибатларни келтириб чиқарадиган шартнома ҳисобланади.
Меҳнат дафтарчасининг ҳуқуқий аҳамияти қандай?
Меҳнат дафтарчаси — бу ходимнинг меҳнат фаолияти ва иш стажини тасдиқловчи асосий восита.
Кўп қаватли уйларда яшашнинг айрим қоидалари
Қўшнилар подездларда ёки зинапояларда ўзларининг шахсий буюмларини (шкаф, эски мебел, қурилиш чиқиндилари) сақлашга ҳақли эмаслар. Бу ёнғин хавфсизлиги қоидаларига зид.
Мавзуга доир янгиликлар:
Болалар омбудсманига янги ваколатлар берилди
Бола ҳуқуқлари бўйича вакил Олий Мажлис Қонунчилик палатаси ва Сенати томонидан 5 йил муддатга сайланади.
Қашқадарёда талаба қизга ўзи унаштирилган йигит томонидан турмушга чиқишга ундаб, руҳий босим ўтказилаётгани аниқланди. Бу каби ҳаракатлар қандай жавобгарликка асос бўлади?
2006 йилда туғилган қиз ҳолат юзасида Болалар омбудсманига мурожаат қилган. Шундан сўнг, ҳолат тезкор равишда прокуратура ва ички ишлар органлари томонидан ўрганилиб, қизга ҳимоя ордери тақдим этилган.
“Шербек” воқеаси билан танилган психолог устидан терговга қадар текширув бошланди
У дудуқланган болани сўкиниш ва қўрқитиш усулида даволамоқчи бўлган.
Жиззахда боласини доимий қийнаб келган ота устидан жиноят иши қўзғатилди
Ҳозирда жиноят иши бўйича тергов ҳаракатлари олиб борилмоқда.