Каратэ WKF йўналиши бўйича Ўзбекистон миллий жамоаси аъзоси Севинч Раҳимова делегациямиз учун куннинг биринчи олтин медалини келтирди. -55 кг вазн тоифасида баҳс олиб борган Раҳимова финалда Хитой Таипейи вакили Суи-Пинг Куни мағлубиятга учратишга муваффақ бўлди. Севинч Раҳимова 1/8 финалда таиландлик Чокпрасетргулни (1:0), чорак финалда мезбон спортчи Дингни (7:0), ярим финалда кореялик Ҳвангни (8:0) мағлубиятга учратиб финалга йўл олганди. [caption id="attachment_22088" align="aligncenter" width="1280"] ФОТО: MOQ[/caption] Шу тариқа, Ўзбекистон делегациясининг турнирдаги олтин медаллари сони 21 тага етди бу эса вакилларимиз учун ушбу турнир тарихидаги энг яхши натижа бўлди. Бунгача энг кўп олтин медаль 2018 йилги Жакартадаги Осиё Ўйинларида қайд этилган бўлиб, вакилларимиз 21 та олтинга эга чиқишганди, аммо допинг сабабли Ўзбекистон спортчилари битта медалдан маҳрум этилганди. Демакки, 21 та олтин – Ўзбекистон учун Осиё Ўйинларидаги рекорд натижа сифатида қайд этилади.