Кимлар меросдан мажбурий улуш олади?
Ўзбекистон
06.07.2023
1 219
Қонунчиликка кўра, мерос қолдирувчининг мол-мулкидан мажбурий улуш оладиган шахслар бор. Қуйидаги шахслар, васиятноманинг мазмунидан қатъи назар, қонун бўйича ворис бўлганларида улардан ҳар бирига тегиши лозим бўлган улушнинг камида ярмини (мажбурий улуш) мерос қилиб олиш ҳуқуқига эгадирлар: Мерос қолдирувчининг: а) вояга етмаган ёки меҳнатга қобилиятсиз болалари; б) вояга етмаган ёки меҳнатга қобилиятсиз фарзандликка олган болалари; в) меҳнатга қобилиятсиз эри (хотини); г) меҳнатга қобилиятсиз ота-онаси; е) меҳнатга қобилиятсиз уни фарзандликка олганлар. Мажбурий улушга нималар киради? Меросдан оладиган ҳамма нарса, шу жумладан оддий уй жиҳозлари ва рўзғор буюмларидан иборат мол-мулкнинг қиймати ҳам, меросхўр фойдасига қилинган васият мажбуриятининг қиймати ҳам киради. Васият қолдирувчи васиятномада чеклашлар ва шартлар белгилаган бўлса ҳам, меросдан мажбурий улуш олиш ҳуқуқига эга бўлган шахслар мерос мол-мулкидан улушнинг камида ярмини (мажбурий улуш) мерос қилиб олиш ҳуқуқи сақланиб қолади. Масалан, васият қолдирувчи ўз васиятномасида барча мол-мулкини хотинига васият қилиб қолдирди. Агар ушбу васият қолдирувчининг вояга етмаган ёки меҳнатга қобилиятсиз боласи бўлса, унинг ушбу фарзанди меросдан мажбурий улуш оладиган шахс деб эътироф этилади ва улушнинг камида ярмини мерос қилиб олади.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Мавзуга доир янгиликлар:
Меросга нолойиқлар: улар ким ва нега меросдан четлатилади?
Мерос билан боғлиқ низолар, асосан яқин қариндошлар, яъни ота-она ва фарзандлар, ака-ука, опа-сингил ворислар ўртасида юзага келади ва бунга асосан қонунларни яхши билмаслик ёки бири бошқасининг ҳуқуқини тан олмаслиги сабаб бўлади. Кимлар меросхўр бўлишини кўпчилик билади, аммо, шундай ҳолатлар ҳам борки, унда меросхўрлар меросга лойиқ деб топилмайди. Бу қандай ҳолатлар?
Мерос олиш ва қолдириш бўйича энг муҳим 6 қоида
Hudud24.uz мерос билан боғлиқ низоларнинг олдини олиш, фуқароларнинг мол-мулкка бўлган ҳуқуқларини таъминлаш, уларнинг бу соҳадаги ҳуқуқий билимларини ошириш мақсадида мерос олиш ва мерос қолдириш билан боғлиқ энг муҳим ҳуқуқий маълумотларни келтиради.
Меросхўр мерос қолдирувчининг қарзини тўлайдими?
Меросхўрнинг қарз борлигидан хабари бўлмаса-чи? Қандай мажбуриятлар меросхўрга ўтмайди? Нималар мерос бўлиб ўтиши мумкин?
Фарзандларнинг розилигисиз мулкни сотиш мумкинми?
Отамнинг номида 12 сотих ер бор эди. Шу ер учун 15 йил давомида хорижда ишлаб пул юборганман. Отам “ер сеники”, деган, бироқ бу ёзма равишда расмийлаштирилмаган. Отам ўтган йил ёзда вафот этди. Онам эса ўша ерни қўшнимизга сотиб юборибди, у бўлса иморат кўтарган. Онам фарзандларининг розилигисиз отамнинг номида бўлган ерни сотиш ҳуқуқига эгами?