Юридик шахслар мулк, доимий фойдаланиш ва ижара ҳуқуқи асо­сида ер участкаларига эга бўлиши мумкин.

Жисмоний шахслар мулк ва ижара ҳуқуқи асосида ер участка­ларига эга бўлиши мумкин.

Вазирлар Маҳкамаси қарори билан Тадбиркорлик ва шаҳарсозлик фаолиятини амалга ошириш учун ер участкаларини мулк ҳуқуқи ва ижара ҳуқуқи асосида электрон онлайн-аукцион орқали реализаци­я қилиш тартиби тўғрисидаги низом тасдиқланган.

Низомга кўра, агар ер участкалари аҳоли пунктларининг бош режаларига, аҳоли пунктлари қисмларини батафсил режалаштириш лой­иҳаларига ёки ҳудудларни комплекс ривожлантириш ва режалаштир­иш бўйича бошқа ҳужжатларга, хусусан, мастер-режа талаблари­га ёхуд ер участкаларидан фойдаланишнинг рухсат берилган турларига мувофиқ бўлса, улар мулк ҳуқуқи асосида аукционга қўйилади.

Шаҳарсозлик ҳужжатлари мавжуд бўлмаганда ёки унинг талаб­ларига мос келмаган тақдирда, ер участкалари ижара ҳуқуқи асо­сида аукционга қўйилади.