Қонунчиликни билиш, ҳуқуқий меъёрларни тўғри англаш ва улардан амалиётда фойдаланиш ҳар бир ҳуқуқшуноснинг кундалик фаолиятида муҳим ўрин тутади. Шу маънода, кодексларнинг босма нашрлари нафақат мутахассислар, балки ҳуқуқшунослик йўналишида таҳсил олаётган талабалар ва ҳуқуқий билимини оширишга интилаётган китобхонлар учун ҳам зарур манбалардан биридир.

 

Ҳуқуқий билимнинг амалий манбаи

Ҳуқуқий давлат барпо этиш жараёнида қонунчилик мазмунини тўғри англаш, фуқароларнинг ҳуқуқ ва мажбуриятлари ҳақида етарли билимга эга бўлиш ҳамда қонун талабларига риоя қилиш алоҳида аҳамият касб этади. Бунда қонун ҳужжатларининг мазмунини тизимли ўрганиш ва улардан кундалик фаолиятда фойдаланиш имконияти муҳимдир.

Кодекслар муайян соҳадаги ижтимоий муносабатларни тартибга солувчи ҳуқуқий нормаларни бир тизимга жамлайдиган асосий қонунчилик ҳужжатларидан ҳисобланади. Улар ҳуқуқни қўллаш амалиётида, юридик хизмат кўрсатишда, таълим жараёнида ва илмий изланишларда муҳим манба вазифасини бажаради.

Кодексларнинг босма шаклда мавжудлиги эса зарур ҳуқуқий нормаларни тезкор излаш, тегишли моддаларни белгилаб бориш, уларни қиёсий ўрганиш ва иш жараёнида фойдаланиш учун қулайлик яратади. Айниқса, ҳуқуқшунослар, адвокатлар, суд ва ҳуқуқни муҳофаза қилувчи органлар ходимлари, давлат ташкилотлари мутахассислари ҳамда талабалар учун бундай нашрларнинг амалий аҳамияти катта.

 

“Адолат” — ҳуқуқий ахборот ва нашриёт соҳасида

Ўзбекистон Республикаси Адлия вазирлиги қошидаги “Адолат” миллий ҳуқуқий ахборот маркази мамлакатимизда ҳуқуқий ахборотни тайёрлаш ва тарқатиш, аҳолининг ҳуқуқий онги ва ҳуқуқий маданиятини юксалтириш, норматив-ҳуқуқий ҳужжатларни расмий эълон қилиш йўналишларида фаолият юритади.

Марказ фаолиятининг муҳим йўналишларидан бири ҳуқуқий мазмундаги нашрларни тайёрлаш ва чоп этишдир. Кодекслар нашри ҳам қонунчилик мазмунини китобхонларга қулай шаклда етказиш, ҳуқуқий манбалардан фойдаланиш имкониятларини кенгайтиришга хизмат қилади.

Босма кодекслар, айниқса, иш жараёнида ҳуқуқий нормаларга тез-тез мурожаат қиладиган мутахассислар учун фойдали. Улар иш столида, таълим муассасаларидаги кутубхоналарда, ташкилотларнинг юридик хизматларида ва шахсий кутубхонада фойдаланиш учун қулай манба бўла олади.

Мурожаат учун:

— Расмий веб-сайт: https://adolatmarkazi.uz/

— Манзил: Тошкент шаҳри, Миробод тумани, Амир Темур шоҳ кўчаси, 19-уй.

— Телефон: +998 55 510-47-87

— Электрон почта: info@adolatmarkazi.uz

“Адолат” миллий ҳуқуқий ахборот маркази нашрлари орқали ҳуқуқий адабиётлар фондингизни бойитинг, қонунчиликни ўрганиш ва ундан амалий фойдаланиш имкониятларини кенгайтиринг!