Life Style
09.05.2025
80
Крипто-активлар билан боғлиқ ҳуқуқбузарликлар ҳақидаги маълумотлар Терговга қадар текширув, суриштирув ва дастлабки тергов органлари томонидан терговга қадар текширувни амалга ошириш ва жиноятларни тергов қилиш давомида Ўзбекистон Республикаси Адлия вазирлиги томонидан 2024 йил 25 декабрда 3591-сонли рўйхатдан ўтказилган Терговга қадар текширувни амалга оширишда ва жиноятларни тергов қилиш давомида аниқланган крипто-активларни олиб қўйиш, хатлаш, сақлаш ҳамда топшириш тартиби тўғрисидаги йўриқномага мувофиқ аниқланади.
Ушбу йўриқномага мувофиқ, Қуйидаги маълумотлар крипто-активлар билан боғлиқ ҳуқуқбузарликларга оид ахборот манбалари бўлиши мумкин:
▪️ шубҳали операциялар тўғрисидаги хабарлар;
▪️жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича махсус ваколатли давлат органининг маълумотлари;
▪️ хизматлар провайдерлари ва майнерлар томонидан тақдим этилган маълумотлар;
▪️назорат қилувчи (лицензияловчи) органларнинг маълумотлари;
▪️ очиқ ахборот манбаларидан олинган маълумотлар;
▪️крипто-ҳамёнлар бўйича маълумотларнинг тақсимланган реестрини таҳлил қилиш натижалари ва бошқалар.
Бундан ташқари, Терговга қадар текширувни амалга ошириш ва жиноятларни тергов қилиш давомида крипто-активлар билан боғлиқ ҳуқуқбузарликларга оид маълумотлар ва далиллар ахборот ташувчи қурилмалар, крипто-ҳамёнлар (масалан, «Ledger», «Trezor», «KeepKey», «Coldcard», «Bitlox», «Blochstech» ва бошқалар), қоғоз, блокнот ёки бошқа нарса ва буюмларда қайд этилган қўлёзма ва ёзувларда аниқланиши мумкин.
Мазкур нарса ва буюмлар олиб қўйилаётганда мутахассис иштирокида кўздан кечирилади ҳамда ашёвий, ёзма ёки рақамли далил сифатида эътироф этилиши мумкин.
Терговга қадар текширув, суриштирув ва дастлабки тергов органлари томонидан крипто-активлар билан боғлиқ ҳуқуқбузарликлар ҳақидаги маълумотларни аниқлаш билан бир қаторда ахборот ташувчи қурилмаларнинг хотирасини кўздан кечириш, крипто-ҳамён манзили бўйича маълумотларнинг тақсимланган реестрини таҳлил қилиш, суд-компьютер-техникавий экспертизасини тайинлаш, қонунчиликда белгиланган тартибда хизматлар провайдерларига тегишли сўровларни юбориш ва банк сири билан боғлиқ маълумотларни олиш бўйича сўровлар юборилади.Хатланган крипто-активлар тегишли қарор қабул қилингунига қадар крипто-ҳамёнларда ёки қурилмаларда сақланади.
Бехруз Жўраев,
"Адолат" МҲАМ ходими
Улашиш:
Бошқалар
Прокат шартномаси ва уни тузиш тартиби қандай?
Прокат шартномаси бир йилгача муддатга тузилади.
Шу йилнинг 1 сентябридан ҳар бир қурилаётган объектнинг QR-кодли паспорти бўлади
Бу орқали шаҳарсозлик субъектлари, қурилиш муддатлари, шаҳарсозлик ҳужжатлари ва тасдиқланган экспертиза хулосалари ҳақидаги маълумотларни олиш имконияти яратилади.
Опцион шартномаси нима учун керак?
Опцион шартномаси рисксиз қарорлар қабул қилиш имконини беради ва келажакдаги молиявий фойдани кўзлайди.
Уй-жой сотиб олишда “эскроу” тизими: муҳим 5 саволга жавоб
“Эскроу” тизими кўчмас мулк олди-сотдисида ишончли восита ҳисобланади. Уй сотиб олмоқчи бўлганлар қурувчи ҳисоб рақамига эмас банкка тўлов қилади, уй-жой қурувчининг маблағи ва кредити ҳисобига қурилади.