Улар учун банк, автомактаб, олий таълим ҳамда тиббиёт муассасаларида қулайликлар яратилиши мажбурий қилиб белгиланди.

Аввалроқ ногиронлиги бўлган шахсларга қулай ва тўсиқларсиз муҳит яратиш бўйича президент қарори қабул қилингани ҳақида хабар берилганди.

Ҳужжат билан ногиронлиги бўлган шахслар учун қулайликлар яратиш талаби киритилган литсензияцланадиган фаолият турлари белгилаб берилган.

Бунга қуйидагилар киради:

• мактабгача таълим (оилавий болалар ташқари);
• умумий ўрта таълим;
• ўрта махсус ва профессионал таълим;
• олий таълим;
• олий таълимдан кейинги таълим;
• авто мактаб;
• банк;
• кредит бюролари;
• тиббиёт муассасалари;
• дорихоналар ва тиббий буюмлар дўкони (офтальмология тиббий буюмларини чакана реализация қилиш мустасно).

Жорий йилнинг 10-августидан мунтазам равишда мукаммал ва жорий таъмирлашга тушган кўп квартирали уйлар ногиронлиги бўлган шахсларнинг тўсиқсиз ҳаракатланиши учун мослаштирилади.

Бунда уйларнинг асосий кириш йўлакларидан лифтгача бўлган қисми белгиланган талаблар асосида пандус билан таъминланади.

2025 йилнинг 1 октябригача имконияти чекланган шахслар учун хорижий тажриба асосида универсал лойиҳалаштириш бўйича норматив-техник ҳужжат лойиҳаси ишлаб чиқилади. Бунинг учун Жаҳон банки маблағлари жалб қилинади.

Бундан ташқари, ҳар бир ҳудудда 2026 йилгача 100тадан умум фойдаланишдаги ҳожатхоналар ногиронлиги бўлганларнинг тўсиқсиз фойдаланишлари учун жиҳозланади.

Аввалроқ ўзгартиришлар билан ўзгалар парваришига муҳтож ёлғиз кексалар, ёлғиз яшовчи кексалар ва ногиронлиги бўлган шахслар йўқолган, яроқсиз ҳолга келган ID-карта ёки биометрик паспортни алмаштиришда давлат божидан озод этилиши мумкинлиги ҳақида хабар берилганди.