Ноутбук, компьютер ёки мобил телефонга зарарли дастурлар ўрнашиб олганини билишнинг бир қатор оддий белгилар мавжуд, булар: – Барча операциялар кўпроқ вақт талаб этиши ва қурилманинг секин ишлаши; – Сиз ўрнатмаган нотаниш иловалар ёки дастурларнинг пайдо бўлиши; – Иловалар ва дастурларнинг ишлашида асоссиз носозликлар; – Қурилманинг вазифалар менежери орқали текширишда маълумотлардан фойдаланишнинг тушунарсиз ўсиши; – Мобил алоқа воситаларида интернет ҳисоб-китоблар ҳажмининг ўсиши; – Браузер ёпилганда ҳам қалқиб чиқувчи ойналарни кўрсатиши; – Қурилмаларнинг қуввати тез тугаши ва ҳаддан ташқари қизиши. Юқоридаги сингари белгилар сезилган пайтда қурилмани ўчириб, уни тузатиш чораларини кўриш ва юзага келган муаммони бартараф этиш учун мутахассисга мурожаат қилиш тавсия этилади.