Магистратурага кирган хотин-қизлар контрактини қоплаш учун кимга мурожаат қилиши керак? Контракт учун тўланган пулни кейинчалик қайтариш мажбурияти борми? Эркаклар учун қандай имтиёзлар мавжуд?

1. Қайси ОТМлар учун имтиёз қўлланилади?

Хотин-қизлар фақат давлат ОТМлари, шунингдек Давлат бошқаруви академияси, Бош прокуратура академияси, Бизнес ва тадбиркорлик олий мактаби ҳамда Банк-молия академиясининг магистратура босқичига тўлов-контракт асосида қабул қилинган ва таълим олаётганида уларнинг контракт пули тўлаб берилади.

Супер контракт суммалари тўлаб берилмайди.

2. Тўлаб берилган пулни кейинчалик қайтариш керакми?

Йўқ, ўқув йили учун тўлов-контрактнинг тўлиқ суммаси тегишли ОТМга Давлат бюджетидан тўланади ва уни қайтариш талаб қилинмайди.

3. Кимга мурожаат қилиш керак?

Хотин-қизлар ректор номига 15 сентябргачаариза бериши керак.

Ушбу муддатдан кейин тақдим этилганаризалар кўриб чиқилмайди.

Тақдим этилган аризалар ОТМ томонидан 3 ишкуни ичида кўриб чиқилади ҳамдаумумлаштирилади.

Рўйхат 5 иш кунида олий таълим муассасасибўйсунадиган вазирлик ва идораларга юборилади.

4. Эркакларнинг магистратура контрактини тўлаш учун имтиёзлар борми?

Эркаклар учун қонунчиликда алоҳида имтиёзлар белгиланмаган, шундай бўлсада умумий имтиёзлар мавжуд.

Таълим кредити

Хусусан, давлат томонидан бегиланган банклардан имтиёзли фоиз ставкаларида таълим кредити олиш мумкин. Таълим кредити 
7 йил муддатга берилади.

Контрактнинг 50% қисми давлат томонидан қоплаб берилади

“Темир дафтар”га киритилган оилалар фарзандлари ҳамда “Ёшлар дафтарига” киритилган ёшлар контрактининг 50% қисми, бироқ БҲМнинг 50 бараваридан ошмаган қисми “Ёшлар дафтари” жамғармаси ҳисобидан қоплаб берилади. Бунинг учун туман (шаҳар) ёшлар ишлари бўлимига ариза бериш керак.