Энди автомототранспорт воситасини сотиш жараёнида турмуш ўртоғингизни розилиги аризасини нотариал идорага бормасдан дунёни исталган жойидан расмийлаштиришингиз мумкин.

Бунда розилик берувчи E-notarius.uz ахборот порталида “Эр-хотин умумий тасаруффидаги мол-мулкни тасарруф этишга розилик”ни танлайди, ўзининг шахсига оид маълумотларни киритади ва нотариал ҳаракатни яратади.

- Розилик берувчи қайси aвтомототранспортни сотишга розилик бераётганини киритади;

- автоматик тарзда ёки ихтиёрий нотариус танланади;

- нотариус нотариал ҳаракатни расмийлаштиришга қабул қилиб, вақтни белгилайди ва тарафларнинг мобил телефонига СМС хабарнома юборилади;

- белгиланган вақтда нотариус тарафлар иштирокида видеоконференцалоқа орқали нотариал ҳаракатни расмийлаштиради;

Сиз ушбу нотариал ҳаракатни уйингиздан ёки иш жойингиздан чиқмаган ҳолда компьютер ёки мобил телефонингиз орқали 15 минутда расмийлаштиришингиз мумкин.