Баъзан ишда турли низоларга дуч келамиз. Айримлари шунчаки кичик муаммо бўлса, айримлари катта-катта низоларгача айланиши мумкин. Иш берувчи ва ходим ўртасидаги қуйидаги масалалар якка тартибдаги меҳнат низолари саналади:

меҳнат тўғрисидаги қонунчиликни, меҳнат ҳақидаги бошқа ҳуқуқий ҳужжатларни ва меҳнатни муҳофаза қилиш қоидаларини, меҳнат шартномасини қўллаш;

ходим учун якка тартибдаги янги меҳнат шартларини белгилаш ёки мавжуд якка тартибдаги меҳнат шартларини шу жумладан, меҳнатга ҳақ тўлашни ўзгартириш;

иш берувчи ва мазкур иш берувчи билан илгари меҳнатга оид муносабатларда бўлган шахс ўртасидаги низо;

иш берувчи ва мазкур иш берувчи билан меҳнат шартномаси тузиш истагини билдирган шахс ўртасидаги низо, агар иш берувчи ушбу шахсни ишга қабул қилишни рад этган бўлса.

Бундай ҳолларда Қонун доирасида ҳаракат қилиб, ўз ҳуқуқларингизни ундан четга чиқмаган ҳолда ҳал қилишингиз тавсия этилади.

Шу билан бирга қуйидагилар жамоавий меҳнат низолари саналади:

ходимлар ва иш берувчилар ўртасидаги янги меҳнат шартларини белгилаш ёки мавжуд меҳнат шартларини ўзгартириш масалалари бўйича;

жамоа келишувларини, жамоа шартномасини, шунингдек қонунчиликка мувофиқ ходимларнинг вакиллари билан келишилган ҳолда қабул қилинадиган меҳнат ҳақидаги бошқа ҳуқуқий ҳужжатларни тузиш ва ўзгартириш масалалари бўйича;

меҳнат тўғрисидаги қонунчиликни, меҳнат ҳақидаги бошқа ҳуқуқий ҳужжатларни ва меҳнатни муҳофаза қилиш қоидаларини қўллаш масалалари бўйича.