Баъзида фарзандни ёлғиз тарбиялаёган она никоҳ гувоҳнома мавжуд эмаслиги сабабли турмуш ўртоғидан алимент ундириш имконсиз, деб ўйлайди.

Аммо Ўзбекистон Республикаси Оила кодексининг 96-моддасида ҳар бир ота-она ўзининг вояга етмаган фарзанди учун алимент тўлаши шарт эканлиги белгиланган.

Мана шу қоидаларга кўра ота алимент тўлашдан бош торта олмайди. Агар ўз фарзандини тан олмаса бундай ҳолларда қўшимча текширувлар, экспертиза ўтказилиши муммкин.

Боланинг манфаатлари учун ота-онадан алимент ундиришда уларнинг иш жойига эгалиги аҳамиятга эга эмас.

Оила кодексининг 99-моддасига биноан алимент тўлови агарда ота она ўртасида алоҳида келишув мавжуд бўлмаса суд томонидан болалар сонига қараб белгиланади.

 

Улар қуйидагича:

 

ота-онанинг ҳар ойдаги иш ҳақи ва (ёки) бошқа даромадининг:

 

бир бола учун — тўртдан бир қисми;

 

икки бола учун — учдан бир қисми;

 

уч ва ундан ортиқ бола учун — ярмиси миқдорида ундирилади.

 

Бунда ҳар бир бола учун ундириладиган алимент миқдори қонунчилик билан белгиланган меҳнатга ҳақ тўлаш энг кам миқдорининг 26,5 фоизидан кам бўлмаслиги керак.

 

 Алимент ундириш учун  фуқаролик судига мурожаат қилиш мумкин.