"Ногиронлиги бўлган шахсларни спортга жалб этиш орқали жисмоний реабилитация қилиш тизимини такомиллаштириш бўйича қўшимча чора-тадбирлар тўғрисида"ги  Президент қарори имзоланди.

Ҳужжатга мувофиқ, 2024 йил 15 декабрдан бошлаб:

— спорт билан шуғулланиш истагидаги ногиронлиги бўлган шахсларнинг мурожаатига кўра уларга “Инсон” ижтимоий хизматлар марказлари томонидан давлат мулкида бўлган жисмоний тарбия-соғломлаштириш ва спорт иншоотларида спорт билан бепул шуғулланиш учун йўлланмалар берилади;

— спорт билан бепул шуғулланиш имкони яратилган жисмоний тарбия-соғломлаштириш ва спорт иншоотлари рўйхати тегишинча Спорт вазирлиги, Олий таълим, фан ва инновациялар вазирлиги, Мактабгача  ва мактаб таълими вазирлиги Ижтимоий ҳимоя миллий агентлиги билан биргаликда тасдиқланади ҳамда доимий янгилаб борилади;

Шунингдек, 2025 йил 15 январдан бошлаб:

— ногиронлиги бўлган шахсларнинг давлат мулкида бўлган жисмоний тарбия-соғломлаштириш ва спорт иншоотларида ташкил этилган спорт тўгаракларидаги иштироки “Инсон” маркази томонидан йўлланма берилган кундан бошлаб ҳар олти ойда бир маротаба жойига чиққан ҳолда ёки “ЭРП-спорт” ягона электрон бошқарув тизими орқали мониторинг қилиб борилади.