Чет элда молиявий ва бошқа қийин аҳволга тушиб қолган фуқароларни қонунчиликда белгиланган тартибда ҳуқуқий ҳамда ижтимоий ҳимоя қилиш, қолаверса, уларни мамлакатимизга қайтариш Ўзбекистон Республикаси Вазирлар Маҳкамаси ҳузуридаги Миграция агентлиги зиммасидадир.

Қуйидаги ҳолатларда сиз хавф остида бўлишингиз мумкин:

-Кимдир сизга ишлаш, саёҳат қилиш ёки ҳаддан ташқари яхши кўринадиган имкониятларни ваъда қилса, лекин тасдиқловчи маълумот ишончли манбааларда кўрсатиб ўтилмаган бўлса.

-Шахсий гувоҳномангиз ёки шахсий ҳужжатларингиз олиб қўйилса.

-Оилангиз ёки дўстларингиз билан эркин алоқада бўлишингизга рухсат берилмаса.

-Ўзингизни қўрқув, таҳдид, қарз ёки бошқа манипуляция турлари назорати остида ҳис қилаётган бўлсангиз. Масалан, сизга иш ҳақи ёки шартномада кўрсатилган бошқа ижтимоий имтиёзлар берилмаётган бўлса.

Агар қонуний ва ноқонуний равишда ишлаётганингиздан қатъи назар ҳуқуқларингиз бузилса, миграция масалалари бўйича муаммога дуч келсангиз ҳамда ўзингиз ёки танишларингиз хавф остида бўлса:

Ўзбекистоннинг ўша давлатдаги элчихонаси ва консуллик муассасаларига ёхуд энг яқин полиция бўлимига;

Мамлакатимизда эса Ўзбекистон Республикаси Ички ишлар вазирлигининг “102” ёки “1164” рақамларига мурожаат қилинг.

Шунингдек, яқинлари хорижда миграция билан боғлиқ муаммога дуч келган ёинки шу масалада саволи бўлган фуқаролар ҳам агентликнинг "1282" қисқа рақамига қўнғироқ қилишлари мумкин.