Ўзбекистон Республикаси Меҳнат кодексида ноқулай табиий-иқлим шароитларидаги иш учун ҳар йилги қўшимча таътил бериш тартиби белгиланган.

Меҳнат кодексининг 483-моддасида белгиланганидек, ноқулай табиий-иқлим шароитларидаги иш учун ҳар йилги қўшимча таътил қайси жойларда ишлаганлик учун меҳнат ҳақига тегишли коэффициентлар белгиланган бўлса, ўша жойларда меҳнат фаолиятини амалга оширувчи ходимларга берилади.

Табиий-иқлим шароитлари ноқулай ҳудудларнинг рўйхати ва бундай шароитлардаги иш учун бериладиган йиллик қўшимча таътилнинг энг қисқа давомийлиги Ўзбекистон Республикаси Вазирлар Маҳкамаси томонидан белгиланади.

Жамоа келишувларида, шунингдек жамоа шартномасида, ички ҳужжатларда ноқулай табиий-иқлим шароитларидаги иш учун ушбу модданинг биринчи қисмида назарда тутилмаган йиллик қўшимча таътиллар белгиланиши мумкин.

Нажмиддин Эшмурзаев,
Сариосиё туман адлия бўлими
Юридик хизмат кўрсатиш маркази бошлиғи